د.عزه‌ت: هه‌رێم به‌نیازه‌ قه‌رزی ده‌ره‌كی وه‌ربگرێت

.

به‌ مه‌به‌ستی تاووتوێكردنی پرۆژه‌ یاسای‌ وه‌رگرتنی‌ قه‌رزی نێوده‌وڵه‌تی له‌لایه‌ن هه‌رێمی‌ كوردستانه‌وه‌و هه‌روه‌ها ئاماده‌كردنی دوایین راپۆرت له‌سه‌ر ئه‌و پرۆژه‌یه‌، هه‌ریه‌ك له‌ لیژنه‌ی دارایی و یاسایی په‌رله‌مانی كوردستان كۆبوونه‌وه‌.

له‌باره‌ی كۆبوونه‌وه‌كه‌وه‌ د.عزه‌ت سابیر سه‌رۆكی لیژنه‌ی دارایی و ئابوری له‌ په‌رله‌مانی كوردستان به‌ PUKmedia ی راگه‌یاند: له‌و كۆبونه‌وه‌یه‌دا گۆڕانكاری كراوه‌ له‌ هه‌ندێك بڕگه‌و مادده‌ی پرۆژه‌ یاساكه‌دا، له‌ كۆتایشدا گه‌یشتینه‌ ئه‌و بڕوایه‌ی كه‌ نابێت په‌رله‌مان رێگری له‌ هه‌رێم بكات بۆ وه‌رگرتنی قه‌رزی ده‌ره‌كی، له‌هه‌مانكاتیشدا پێویسته‌ له‌دوای وه‌رگرتنی ئه‌و قه‌رزه‌ چاودێرییه‌كی وردی له‌سه‌ر بێت.

وتیشی: وه‌رگرتنی قه‌رزی ده‌ره‌كی یه‌كێكه‌ له‌ رێگاچاره‌كان بۆ رزگاربوون له‌ قه‌یرانی دارایی و له‌و چوارچێوه‌یه‌شدا هه‌رێم ده‌توانێت بڕی 5 ملیار دۆلار قه‌رز بكات.

PUKmedia  تایبه‌ت