سێ قه‌ناس به‌ده‌ستی داعش كوژران

زیانی زۆر به‌رتیرۆرستان كه‌وتووه‌

ئێواره‌ی ئه‌مڕۆ 18-4-2015 فڕۆكه‌ جه‌نگیه‌كانی هاوپه‌یمانان دوو مۆڵگه‌ی سه‌ره‌كی تیرۆرستانی داعشیان له‌ ناوه‌ندی قه‌زای شه‌نگال بۆردومانكردون و  زیانی زۆریان پێگه‌یه‌نراوه‌، كه‌له‌ناویاندا سێ قه‌ناس به‌ده‌ستی داعش كوژراون.

خه‌یاس سورچی كارگێای مه‌ڵبه‌ندی موسڵی یه‌كێتیی نیشتمانیی كوردستان به‌ PUKmedia ی راگه‌یاند: ئێواره‌ی ئه‌مڕۆ فڕۆكه‌ جه‌نگیه‌كانی هاوپه‌یمانان دوو مۆڵگه‌ی سه‌ره‌كی تیرۆرستانیان له‌ناوه‌ندی قه‌زای شه‌نگال بۆردومانكردون و زیانی زۆر به‌ر تیرۆرستانی داعش كه‌وتووه‌و كوژراوی زۆریان هه‌بووه‌.

وتیشی: له‌باره‌ی ژماره‌ی كوژراوه‌كانی داعش زانیاریه‌كی ورد له‌به‌رده‌ستدا نیه‌، به‌ڵام یه‌كێك له‌و مۆڵگانه‌ی بۆردومانكراوه‌ سێ قه‌ناس به‌ده‌ستی داعشی تێدا كوژراون كه‌له‌ماوه‌ی رابردوودا زیانی زۆریان به‌هێزه‌كانی پێشمه‌رگه‌یاندبوو

رونیشكرده‌وه‌: له‌ماوه‌ی رابردوودا چ له‌لایه‌ن هێزه‌كانی پێشمه‌رگه‌ و گه‌ریلا، یان بۆردومانی فڕۆكه‌ جه‌نگیه‌كان ژماره‌یه‌ك قه‌ناس به‌ده‌ستی داعش كوژراون.

PUKmedia  سامان یاروه‌یس