عوبه‌یدی داوای هاوكاری له‌ ئه‌مریكا ده‌كات

به‌زووی كار بۆ پڕچه‌ك كردنی هێزه‌ ئه‌منییه‌كان بكرێت

وه‌زیری به‌رگری عیراق داوا له‌ ویلایه‌ته‌ یه‌كگرتووه‌كانی ئه‌مریكا ده‌كات، به‌زوویی كار بۆ پڕچه‌ك كردنی هێزه‌ ئه‌منییه‌كانی عیراق بكات، بۆ كۆنتڕۆڵكردنه‌وه‌ی سه‌رجه‌م ناوچه‌كانی تری عیراق كه‌ تائێستا له‌ژێر ده‌سه‌ڵاتی داعشدا ماوه‌.

له‌به‌یاننامه‌یه‌كدا وه‌زاره‌تی به‌رگری عیراق ئه‌مڕۆ 18-4-2015، رایگه‌یاندوه‌ خالید عوبه‌یدی وه‌زیری به‌رگری عیراق داوای له‌ ویلایه‌ته‌ یه‌كگرتووه‌كانی ئه‌مریكا كردوه‌، به‌زوویی كاربۆ پڕچه‌ك كردن و پته‌وكردنه‌وه‌ی هێزه‌ ئه‌منییه‌كانی عیراق بكات به‌ چه‌كی قورس و پێشكه‌وتوو، چونكه‌ له‌ ئێستادا عیراق رووبه‌ڕووی مه‌ترسیه‌كی گه‌وره‌ی رێكرخایوی تیرۆرستی داعش بۆته‌وه‌.

هه‌رله‌و به‌یاننامه‌یه‌دا ئاماژه‌به‌وه‌دراوه‌، هێزه‌ ئه‌منییه‌كانی عیراق له‌ ناوچه‌ی بێشڕه‌وییه‌كی باشیان كردوه‌و كۆنتڕۆڵی به‌شێكی زۆری ناوچه‌كانی بێجی-یان كردۆته‌وه‌ و پێشڕه‌وی هێزه‌ ئه‌منییه‌كانی عیراق بۆ له‌ناوبردنی تیرۆرستانی داعش له‌ته‌واوی بێجی به‌رده‌وامی هه‌یه‌.

PUKmedia