فڕۆكه‌ جه‌نگيیه‌كان حه‌ویجه‌ بۆردومان ده‌كه‌ن

زیاتر له‌ 23 تیرۆرستی داعشیان كوشت

شه‌وی رابردوو 30-3-2015 فڕۆكه‌ جه‌نگیه‌كانی هاوپه‌یمانان چه‌ند ناوچه‌یه‌كی ستراتیژیان له‌ قه‌زای حه‌ویجه‌و ناوچه‌كانی ده‌وروبه‌ری بۆردومانكردو زیاتر له‌ 23 تیرۆرستی داعشیان كوشت.

سه‌رچاوه‌یه‌كی هه‌واڵگری له‌هێزه‌كانی پێشمه‌رگه‌ به‌ PUKmedia ی راگه‌یاند: فڕۆكه‌ جه‌نگیه‌كانی هاوپه‌یمانان حه‌وت مۆڵگه‌ی سه‌ره‌كی تیرۆرستانی داعشیان له‌ ناحیه‌ی ریازی سه‌ربه‌ قه‌زای حه‌ویجه‌ بۆردومانكردوه‌و  به‌پێی زانیاریه‌ سه‌ره‌تاییه‌كان زیاتر له‌ 17 تیرۆرستی داعش كوژراون و دوو ئۆتۆمبێلێ سه‌ربازی و كۆگایه‌كی چه‌ك و ته‌قه‌مه‌نیشیان سوتێنراوه‌.

ئه‌و سه‌رچاوه‌یه‌ رونیشكرده‌وه‌: له‌كاتی چوونه‌ ده‌ره‌وه‌ی ئۆتۆمبێلی تیرۆرستانی داعش له‌ قه‌زای حه‌ویجه‌ له‌ سه‌ر رێگه‌ی  قه‌زاكه‌و شاری موسڵ بووه‌ته‌ ئامانجی فڕۆكه‌ جه‌نگیه‌كان و شه‌ش تیرۆرستی تێدا كوژراون.

سه‌رچاوه‌ هه‌واڵگریه‌كه‌ ئاماژه‌ی به‌وه‌شداوه‌: جۆرێك له‌ شڵه‌ژان و شپرزه‌ی به‌تیرۆرستانی داعشه‌وه‌ له‌ناو قه‌زای حه‌ویجه‌و ناحیه‌كانی تر به‌دیده‌كرێت و جوڵه‌یان به‌ته‌واوی كه‌مبووه‌ته‌وه‌ ئه‌وه‌ش په‌یوه‌ندی به‌ شه‌ڕه‌كه‌ی ناو شاری تكریته‌وه‌ هه‌یه‌، كه‌وتنیان له‌ تكریت به‌ته‌واوی داعش له‌ حه‌ویجه‌ش لاوازده‌كات و ئه‌وه‌ش بووه‌ته‌ ترسێكی گه‌وره‌ بۆ تیرۆرسته‌كانی ناو قه‌زاكه‌.

PUKmedia  سامان یاروه‌یس