به‌ریتانیا هاوكاری مۆزه‌خانه‌ی سلێمانی ده‌كات

.

ئه‌نگس مه‌كی كونسوڵی گشتی به‌ریتانیا له‌هه‌رێمی كوردستان سه‌ردانی مۆزه‌خانه‌ی سلێمانی كرد و خۆشحاڵی خۆی ده‌ربڕی كه‌ گرنگییه‌كی زۆری پێدراوه‌.

هاشم عه‌بدولڵا به‌ڕێوبه‌ری مۆزه‌خانه‌ی سلێمانی به‌ PUKmedia ی راگه‌یاند: ئه‌مڕۆ 8-2-2015 ئه‌نگس مه‌كی كونسوڵی گشتی به‌ریتانیا له‌هه‌رێمی كوردستان سه‌ردانی مۆزه‌خانه‌ی سلێمانی كردو و گه‌شتێكی كرد به‌ناو هۆڵه‌كانی مۆزه‌خانه‌داو له‌ناو پارچه‌ به‌نرخه‌كاندا خۆشحاڵی خۆی ده‌ربڕی كه‌ گرنگی دراوه‌ به‌ هه‌ڵگرتن و پاراستنی ئاسه‌واره‌كان و چۆنێتی نمایشكردنی.

ئه‌نگس مه‌كی جه‌ختیشی كرده‌وه‌: هاریكاری و په‌یوه‌ندی هه‌بێ له‌ڕووی ئاسه‌وار و شوێنه‌وار له‌گه‌ڵ ناوه‌نده‌ رێكخراوه‌كانی به‌ریتانیا به‌تایبه‌ت مۆزه‌خانه‌ی وڵاته‌كه‌ی.

له‌كۆتاییدا كونسوڵی گشتی به‌ریتانیا ئاماده‌یی خۆی ده‌ربڕی بۆ هاریكاری كردنی بۆ مۆره‌خانه‌ی سلێمانی.

PUKmediaمحه‌مه‌د به‌كر