هه‌ڵه‌بجه‌.. یادی بۆردومانی قه‌ڵادزێ به‌رز راگیرا

یادی بۆردومانی قه‌ڵادزێ

به‌مه‌به‌ستی ده‌ربرینی هاوخه‌می و هاوسۆزی خۆیان بۆ شه‌هیدانی بوردومانی ساڵی 1974 ی قه‌ڵادزێ  به‌ئاماده‌بوونی قائیمقامی هه‌ڵه‌بجه‌ و به‌رێوبه‌رانی ژماره‌یه‌ك له‌ فه‌رمانگه‌ ئیداریه‌كانی هه‌ڵه‌بجه‌و رۆشنبیران، له‌ رێوره‌سمێكدا له‌به‌رده‌م مۆنۆمێنتی هه‌ڵه‌بجه‌ چه‌ند ساتێك به‌بێ ده‌نگی بۆ قوربانیانی ئه‌و شاره‌ ڕاوه‌ستان.

ئه‌ركان حه‌سه‌ن قائیمقامی هه‌ڵه‌بجه‌ له‌ لێدوانێكی تایبه‌تدا به‌ PUKmedia ی راگه‌یاند: به‌ ناوی سه‌رجه‌م دانیشتوانی هه‌ڵه‌بجه‌وه‌ هاوخه‌می خۆمان بۆ قوربانیانی ئه‌و كاره‌ساته‌ ده‌رده‌برین و ئیدانه‌ی ئه‌و كاره‌ دڕندایه‌ ده‌كه‌ین .

وتیشی: شه‌هیدانی قه‌ڵادزێ و شه‌هیدانی هه‌ڵه‌بجه‌ قوربانی یه‌ك ڕژێمن و كه‌  جینۆسایدی گه‌له‌كه‌مانی ده‌كرد بۆیه‌ لێره‌وه‌ ئه‌و په‌یامه‌ راده‌گه‌یه‌نین خۆمان به‌ خاوه‌نی شه‌هیدانی قه‌ڵادزێ ده‌زانین .

PUKmedia فه‌رحان حه‌مه‌خان –هه‌ڵه‌بجه‌