عارف‌و مارف ‌

.

ئەحمەد: لەكوردستان (شت) چۆن ئەكەنە دەرەوە؟

مەحمود: ئەگەر چۆلەكە بێ دەرگاو پەنجەرەی بۆ ئەكەنەوە.

ئەحمەد: ئەی ئەگەر سیاسی بێت؟

مەحمود: ئەگەر سیاسی بێت بەرزی ئەكەنەوە تا ئەبێ بەسەركردایەتی، ئینجا راوی ئەنێن.

+++

ئەم: بەڕەئی تۆ بۆچی برادەران لەم عالەمی خوایەدا منیان کاندید کردووە دژایەتی یەکێتی بکەم؟

ئەو: چیت عەرز كەم نازانم. بەڵام عادەتەن زاناكان كە بیانەوێ شوێنێك تاقی بكەنەوە، یەكەم جار مەیموونێكی بۆ رەوانە ئەكەن.

+++

یەكەم: ئەمەل هەیە ئەم رێكەوتنی ستراتیجییە نەمرێت؟

دووەم: مادام نەیانبردووە بۆ خەستەخانە، ئا.

+++

رۆژنامەنووس: راست ئەكەن ئەڵێن ئێوە هیچ شتێكی یەكێتیتان بەدڵ نییە؟

هەڵسوڕاوی گۆڕان: نەخێر قوربان ئەو قسەیە درۆیە. ئێمە تەنیا رقمان لەموستەقبەلی‌و لەئێستای‌و لەڕابردویەتی.

+++

مەسئول: ئێمە چەند ئەندام‌و لایەنگری نەخوێندەوارمان هەیە؟

سكرتێر: زۆر قوربان

مەسئول: ئەی بۆچی هەر سی چل كەستان كاندید كردووە؟!

+++

پەیامنێر: قوربان مودەتێکە موقابەلەو لێدوانت کەم کردۆتەوە. خێرە؟ 

قوربان: ئەوی راستی بێت ئەمانەوێت ئەمجارە دەنگی باش بهێنین

+++

مناڵ: بابەگیان ئەوە بۆ نایخەیتە سەر NRT. زۆر خۆشە. حەلقەكەی عارف‌و مارفە.

باوك: ئاگات لەچییە رۆڵە.. نە عارف ما نە مارف.

د.شیركۆ عبدالله‌‌