كاروانێكی تری ڤاكسینی دژە كۆرۆنا دەگاتە عیراق

.

وەزارەتی تەندروستی عیراق بڵاویكردوەتەوە لەكۆتای ئەم مانگەدا زیاتر لەملیۆنێك ژەمە ڤاكسینی كۆڤاكس دەگاتە عیراق.

د.حەسەن تەمیمی وتەبێژی وەزارەتی تەندروستی و ژینگەی عیراق رایگەیاندوە:" لەكۆتایی ئەم مانگە عیراق كاروانێكی تری ڤاكسینی دژە كۆرۆنا كە لەجۆری كۆڤاكسی نێودەوڵەتیە وەردەگرێت".

رونیشكردوەتەوە:" لەماوەی دوو رۆژی رابردوودا وەزارەتی تەندروستی 200 هەزار ژەمە ڤاكسینی سینۆفارمیان بەسەر بنكەكانی كوتانی هاووڵاتیان لەعیراق دابەش كردوە".

ئاماژەی بەوەشداوە:" تاكو ئێستادا ڤاكسینی دژە كۆرۆنا بۆ زیاتر لە 215 هەزار هاووڵاتی لەعیراق بەكارهێنراوە".

PUKmedia ئاژانسەكان