سەمونخانەی گۆنا دادەخرێت

.

بەهۆی پابەندنەبوون بە مەرج و رێنماییەكانی كاركردن، قائیمقامییەتی سلێمانی فڕی سەمونی گۆنا دادەخات.

ئەمڕۆ شەممە (2021.4.17) بەهۆی پابەند نەبوون بە مەرج و رێنماییەكانی تەندروستی  و بەكارهێنانی پێداویستی خراپ و ماوە بەسەرچوو لە دروستكردنی سەمونەكاندا، قائیمقامییەتی سلێمانی فڕنی سەمونی گۆنا لە گەڕەكی كانی با_ی شاری سلێمانی دادەخات.

سەرپێچییەكی تری سەمونخانەكە لەكاتی سەردانی لیژنەكە دەركەوتوه،‌ ئەو پێداویستیانەی (گوێز، خورما، كونجی) لە بەكارهێنانی سەمون و بەرهەمەكانی دیكەی سەمونخانەكەدا بەكاریدەهێنێت، بەسەرچون و شیاوی خواردن و بەكارهێنان نین.

بەفەرمانی قائیمقامی سلێمانی سەمونخانەی گۆنا دادەخرێت و خاوەنەكەشی روبەڕوی رێكاری یاسایی تو‌ند دەكرێتەوە.

لە مانگی رەمەزانی پیرۆزدا، قائیمقامیەتی سلێمانی لەڕێگەی (38) لیژنەوە بە چڕی چاودێری دوكان و بازاڕ و شوێنە گشتییەكان دەكات، لەكاتی هەبونی سەرپێچی شوێنەكە و خاوەنەكەشی روبەڕوی رێكاری یاسایی توند دەكاتەوە.

PUKmedia راگەیاندنی قائیمقامیەتی سلێمانی