چەندین ماسی دەگەڕێنرێنەوە ناو دەریاچەكان

.

لە سنووری سەیدسادق و دوكان شەش تۆڕی ماسی لەلایەن پۆلیسی دارستان و ژینگەی سلێمانییەوە دەستیانبەسەردا گیرا و چەندین ماسیان گەڕانەوە بۆ ناو دەریاچەكان.

لەو بارەیەوە عەمید هێمن كەمرخان بەڕێوەبەری راگەیاندنی پۆلیسی دارستان وژینگەی سلێمانی رایگەیاند: لە  ئەنجامی  دەرچونێكی مەیدانی مەفرەزەكانی بەشی پۆلیسی دارستان و ژینگەی سەیدسادق بۆ دەریاچەی سیروان توانیان 2 تۆڕی ماسی هەڵبگرنەوە و دەستبەسەر چەندین كەرەستەی راوكردنی ماسیدا بگرن. 

راشیگەیاند: لەلایەكی دیكەوە لە ئەنجامی دەرچونێكی مەفرەزەكانی بەشی پۆلیسی دارستان و ژینگەی دوكان بۆ ناو دەریاچەی دوكان لە سنووری گوندی گردە سۆران و تۆپزاوا چوار تۆڕێ ماسی گرتنیان هەڵگرتەوە كە چەندین ماسی زیندووی لەخۆگرتبوو جارێكی تر ماسییەكان گەرێنرانەوە ناو دەریاچەكان.

PUKmedia راگەیاندنی پۆلیسی دارستان و ژینگەی سلێمانی