سەرۆکی فراکسیۆنی یەکێتی رۆژی کرێکاران پیرۆزدەکات

.

بەبۆنەی جەژنی ١ی ئایارەوە ڕۆژی کرێکاران پیرۆزباییەکی گەرم لەسەرجەم کرێکارانی جیهان بەگشتی و کرێکارانی کوردستان بەتایبەتی دەکەم ، دەستی ماندوی یەکەبەیەکەتان دەگوشم و هەمیشە چینێک بوون لەکۆمەڵگای کوردی کەبەخوێن وگیان وئارەقەو ڕەنج بەرگریتان لەماف و ئاوەدانکردنەوەی کوردستان کردووە .

ئەمڕۆ هەلێکە تابتوانین سوپاسی هەموو ئەوکەسانە بکەین کەخزمەتی کوردستانیان کردووە بەتایبەتی چینی کرێکاران وڕەنجدەران .

ئێمە وەک فراکسیۆنی یەکێتی لەئەنجوومەنی نوێنەرانی عێراق پشتیوانی تەواو لەداوا ڕەواکانتان دەکەین و داکۆکی تەواو لە مافەکانتان دەکەین و پشتگیری خۆمان بۆ خەباتی مەدەنی کرێکاران دوپات دەکەینەوە بۆبەدەستهێنانی ژیانێکی شایستەو ئامانجە ڕەواکانیان .

دکتۆرە جوان ئیحسان فەوزی
سەرۆکی فراکسیۆنی یەکێتی نیشتمانی کوردستان
لەپەڕلەمانی عێراق

PUKmedia