لایەنەکانی کەرکوک چاوەڕوانی یەکلاکردنەوەی پۆستەکانی پارێزگاکەن
کوردستان 11:23 AM - 2024-04-13یەکەمین کۆبوونەوەی سەرۆکوەزیرانی عیراق لەگەڵ لایەنە براوەکانی پارێزگای کەرکوک
حزب و لایەنە براوەکانی هەڵبژاردنی ئەنجومەنی پارێزگای کەرکوک
چاوەڕوانی سێهەمین کۆبوونەوەن لەگەڵ سەرۆکوەزیرانی عیراق بۆ پێکهێنانی ئەنجومەنی
پارێزگاکە و یەکلاکردنەوەی پۆستی پارێزگاری کەرکوک، ئەندامێکی ئەنجومەنی
پارێزگاکەش دەڵێت: "پێویستە وەک پارێزگاکانی دیکەی عیراق ئەنجومەنەکە کارا بێت
و پۆستی پارێزگاری کەرکوکیش یەکلا ببێتەوە".
لایەنە براوەکانی کەرکوک لەگەڵ سەرۆکوەزیران کۆدەبنەوە
ئەحمەد فاتیح ئەندامی ئەنجومەنی پارێزگای کەرکوک لە فراکسیۆنی
یەکێتیی نیشتمانیی کوردستان بە PUKMEDIA ی راگەیاند: "دوای گەڕانەوەی سەرۆکوەزیرانی عیراق لە
ئەمریکا، لایەنە براوەکانی کەرکوک جارێکی دیکە بۆ پێکهێنانی ئەنجومەنی پارێزگاکە و
یەکلاکردنەوەی پرسی پۆستی پارێزگاری کەرکوک کۆدەبنەوە".
"چاوەڕوان دەکرێت لەو کۆبوونەوەیەدا پرسی ئەنجومەن
و پارێزگاری کەرکوک یەکلایی بکرێتەوە، چونکە لەدوای هەڵبژاردنی ئەنجومەنی
پارێزگاکانی عیراق، لە ئێستادا تەنها پارێزگای کەرکوک ماوە ئەنجومەنی پارێزگاکە
کارابێت و پارێزگار دەستنیشان بکات"، ئەحمەد فاتیح وادەڵێت.
هاوكات پێشتر دوو جار، به ئامادهبوونی بافڵ جهلال تاڵهبانی
سهرۆكی یهكێتیی نیشتمانیی كوردستان و محهمهد شیاع سودانی سهرۆك وهزیرانی
عیراق، لایهنه سیاسییه براوهكانی كهركوك له بهغدا بۆ تاوتوێكردنی ههنگاوهكانی
پێكهێنانی حكومهتی خۆجێیی كهركوك و دیاریكردنی پارێزگارو سهرۆكی ئهنجوومهنی
پارێزگای كهركوك کۆبوونەتەوە و بڕیاریشە دوای گەڕانەوەی سەرۆکوەزیرانی عیراق لە ئەمریکا
جارێکی دیکە لایەنە براوەکانی کەرکوک لەسەر مێزی گفتوگۆ لە بەغدا کۆببنەوە.
یەکێتی زۆرترین دەنگی لە کەرکوک بەدەستهێناوە
یەکێتیی نیشتمانیی کوردستان زۆرترین دەنگی لە پارێزگای
کەرکوک بەدەستهێناوە و بە مافی خۆی دەزانێت پۆستی پارێزگاری شارەکە
وەربگرێت بەپێی ئیستحقاقی هەڵبژاردن.
رەوەند مەلا مەحمود لێپرسراوی مەڵبەندی کەرکوکی یەکێتیی
نیشتمانیی کوردستان بە PUKMEDIA ی راگەیاند: "وەک لە رابردوو رامانگەیاندبوو، یەکێتی
ئامادەیە بۆ پێکهێنانی حکومەتی خۆجێیی کەرکوک لەگەڵ لایەن و پێکهاتەکانی شارەکە گفتوگۆ
بکات و بەپێی ئیستحقاقی هەڵبژاردن پۆستەکانی پارێزگاکە بەسەر لایەن و پێكهاتەکاندا
دابەش بکرێت".
"یەکێتیی نیشتمانیی
کوردستان کە زۆرترین دەنگی هێناوە لە پارێزگاکە، مافی خۆیەتی پارێزگاری شارەکە
وەربگرێت و لایەنەکانی دیکەش بەپێی ئیستحقاقی هەڵبژاردن، پشکی خۆیان لە پارێزگاکە
وەربگرن و بە هەموومان بتوانین خزمەتی خەڵکی کەرکوک بکەین"، رەوەند مەلا
مەحمود وای وت.
یەکێتی 5 کورسی پارێزگای کەرکوکی بەدەستهێناوە
هەڵبژاردنی ئەنجومەنی پارێزگاکانی عیراق رۆژی 18ی 12ی 2023 لە
15 پارێزگا ئەنجامدرا و لەئێستاشدا تەنها پارێزگای کەرکوک ماوە کە ئەنجومەنەکە
کارابکرێت و کەسێکیش بۆ پۆستی پارێزگاری شارەکە دەستنیشان بکرێت کە یەکێتیی
نیشتمانیی کوردستان بەپێی ئیستحقاقی هەڵبژاردن بە مافی خۆی دەزانێت پۆستی
پارێزگاری شارەکە وەربگرێت.
هاوپەیمانی کەرکوک هێز و ئیرادەمانە کە لەنێوان یەکێتی و شیوعی
بوو، لە کەرکوک زۆرترین دەنگی لەسەر ئاستی پارێزگاکە بەدەست هێناوەو هێزی یەکەمی
هەموو پێکهاتەکانە و خاوەنی 157 هەزار و 639 دەنگە، کە دەکاتە 43٪ دەنگەکانی ئەو
پارێزگایەو 5 کورسی بەدەستهێناوە، بەڵام
تائێستا کە چوار مانگ بەسەر هەڵبژاردنی ئەنجومەنی پارێزگاکانی عیراق دا تێدەپەڕێت،
نەتوانراوە ئەنجومەنی پارێزگاکە هەڵبژێردرێت.
PUKMEDIA
هەواڵی زیاتر
-
سەرۆک بافڵ بۆ دەنگی ئەمریکا: هێزەکانی ئەمریکا دەستبەجێ لە عیراق ناکشێنەوە
10:12 PM - 2024-05-08 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
03:25 PM - 2024-05-08
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
02:16 PM - 2024-05-08
یەکێتی تانە لەبڕیارەکەی کۆمسیاران دەدات
11:32 AM - 2024-05-08
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
10:35 AM - 2024-05-08
زۆرترین خوێنراو
-
چوار بازرگانی نێودەوڵەتی هۆشبەر دەستگیردەکرێن
کوردستان 07:43 PM - 2024-05-08 -
قوباد تاڵەبانی: سوپاسی هەوڵەکانی باڵیۆزی ئیسپانیا دەکەم
کوردستان 05:44 PM - 2024-05-08 -
پرسەنامەی قوباد تاڵەبانی بۆ خانەوادەی دەرباز یوسف گوانی
پرسەنامە 03:35 PM - 2024-05-08 -
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
کوردستان 03:25 PM - 2024-05-08 -
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
کوردستان 02:16 PM - 2024-05-08 -
وەفدێكی مەکتەبی سکرتارییەت سەردانی ڕێبوار ئەنوەر بەگ دەکات
ی ن ک 02:07 PM - 2024-05-08 -
یەکێتی تانە لەبڕیارەکەی کۆمسیاران دەدات
کوردستان 11:32 AM - 2024-05-08 -
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
کوردستان 10:35 AM - 2024-05-08