گۆڕانکاریە ناوخۆییەکانی یەکێتی

PUKMEDIA

فواد نوری

"گۆڕانکاریە ناوخۆییەکانی یەکێتیی"
"دەروازەیەک بۆ خۆسازدانەوە..."

هەموو حزبێک لەمێژووی کۆن و نوێیدا،گۆرانکاری لە ستراتیژو پەیکەرو شێوازی سوڕی ژیانی حزبایەتی خۆیدا دەکات.

یەکێک لەبنەما سەرەکیەکانی کاری سیاسی و رێکخراوەیی یەکێتی نیشتمانی کوردستان ، کە قاڵبوەوەی کاری حزبی و سیاسیە لەباشوری کوردستان و هەرگیز صڵی نەکردۆتەوە لە هەرجۆرە هەنگاوێک بەئاراستەی نوێبوونەوە.
لەناو یەکێتیدا بەردەوام ئەو ئایدیایە زاڵە کە دەبێت لە قۆناغەکانی ژیانی سیاسی خۆیدا لەپێناو گونجان لەگەڵ گۆڕانکاریەکانی ناوچەکەگۆرانکاری بکات و بیر لە خۆنوێکردنەوە بکاتەوە. بە مەبەستی هاوتەریب بون لەگەڵ دۆخ و پێداویستیە هەنوکەیەکانی سەردەم، بەئامانجی گەشەکردن و مانەوەو هەڵسانەوەو شیکردنەوەی واقیعی ئێستای کوردستان و ناوچەکە بەگشتی.

گۆرانکاریە خێراکانی ناوچەکە و یاساو شێوازی حوکمڕانی لەکوردستان و شانۆی سیاسی و نەخشەی پرۆسەی سیاسی لەکاتی ئێستادا وا دەخوازێت یەکێتی وەک حزبێکی سەنگین و حساب بۆ کراو جارێکی تر پێداچونەوە بە پلان و بەرنامەی خۆیدا بکاتەوە و جارێکی تر بە دیدگای نوێ رێکخستنەکانی، پەیوەندیەکانی، دبلۆماسیەتی، پێداچونەوەی جدی بۆ بکرێت. ئەرک و کاری ئۆرگانی بە بەرگی تازە ڕەنگڕێژ بکات. لێرەدا گۆرانکاری دەبێتە هەنگاوێکی حەتمی و زەرور لەسەرجەم پایەکاندا. یەکێتی نە لەرابردوو نە لەئێستادا ترسی نەبوەو نییە لە هەر گۆرانکاریەک کە بەرژەوەندی گشتی تێدا رەچاو کرابێ. چونکە ئەوە رێساو عورفی ژیانی سیاسی و حزبیە و پلانێکی سەردەمیانەیە.

هێنانی گەنجان، جێ کردنەوەی ژنان، ئایدیای رۆشنبیران، ئەزمونی تێکۆشەرەکانمان سەرجەمیان دەبێت تێکەڵی یەکتر بکرێن تا بتوانین وەک حزبێکی هەمیشە زیندوو، بە داهێنان و گەشەکردن و رێکخستنەوەو بەهێزی لە گۆرەپانەکەدا درێژە بە خەبات بدەین، هەموان چاویان لەسەر یەکێتی و هەنگاوەکانیەتی بۆ داهاتوی ئەو هەرێمە. ئەمەش بە خۆ رێکخستنەوە و نوێ بونەوە دەکرێت. بە چاکسازی هەمیشەیی و ریشەیی دەکرێت لەسەرجەم ئۆرگانەکان تا ببێتە پایەکی بەهێزی مانەوەو گەشە سەندن.

PUKMEDIA