ئەنجوومەنی وەزیرانی عیراق بڕیار لەبارەی 120 ملیار دینارەكە دەدات

نوسینگەی راگەیاندنی ئەنجوومەنی وەزیرانی عیراق

کۆبوونەوەی ئەنجوومەنی وەزیرانی عیراق

ئێوارەی ئەمڕۆ شەممە 4ی7ی2026، ئەنجوومەنی وەزیرانی عیراق كۆبوونەوەی ئاسایی هەفتانەی خۆی ساز دەكات و چاوەڕوان دەكرێت پرسی 120 ملیار دینارەكەی داهاتی نانەوتی هەرێمی کوردستان گفتوگۆی لەبارەوە بكرێت و بڕیاری لەبارەوە بدرێت.

حكومەتی هەرێمی كوردستان چەندین جار تەئكیدی لەوە كردووەتەوە كە بەهۆی كەمبوونەوەی داهاتی ناوخۆوە ناتوانن بڕی 120 ملیار وەك داهاتی نانەوتی رەوانەی وەزارەتی دارایی عیراق بكەن.

بەپێی دوایین روونكردنەوەی وەزارەتی دارایی هەرێم، كە ئەمڕۆ بڵاوكراوەتەوە، وەفدی هەرێم داوای لە وەزیری دارایی عیراق کردووە بەپێی یاسای بوودجە و یاسای ئیدارەدانی دارایی مامەڵە لەگەڵ داهاتی ناوخۆی هەرێمی کوردستان بکرێت، واتە لە (%50)ی داهاتە ناوخۆییەکان بدرێتە حکومەتی فیدراڵ لەسەر بنەمای ڕاپۆرتەکانی تەرازووی پێداچوونەوەی مانگانە.

PUKMEDIA