سەرۆککۆمار:گفتوگۆ و لێکتێگەیشتن بەردی بناغەی کۆنتڕۆڵکردنی قەیرانەکانە

راگەیاندنی سەرۆککۆمار

دیدارەکەی سەرۆککۆمار

 نزار ئامێدی سەرۆک کۆمار، ئەمڕۆ سێشەممە 30ی حوزەیران 2026، لەکۆشکی بەغداد، پێشوازیکرد لە ئیبراهیم کاڵین، بەرپرسی دەزگای هەواڵگری تورکیا و وەفدی یاوەری، بەئامادەبوونی  حەمید ئەلشەتری، بەرپرسی دەزگای هەواڵگریی نیشتمانیی عێراق.

لەدیدارەکەدا باس لەدوایین پێشهاتەکانی  ناوچەکە و جیهان و چۆنیەتی بەرزکردنەوەی ئاستی هاوکارییەکانی نێوان عێراق و تورکیا لەبواری ئاسایش و هەواڵگریدا، بەشێوەیەک کەلەچوارچێوەی پێشهاتەکاندا بەرژەوەندییەکانی هەردوو وڵات بپارێزن کرا.

هاوکات سەرۆک کۆمار جەختی لەوە کردەوە کەگفتوگۆ و لێکتێگەیشتن بەردی بناغەی کۆنتڕۆڵکردنی قەیرانەکانە، ودوپاتیشی لەگرنگی یەکخستنی هەوڵەکان بۆ ڕووبە ڕووبوونەوەی ئاستەنگە سنووربەزێنەکان کردەوە، بەمەبەستی پاراستنی ئاسایشی هاوبەش و چەسپاندنی ژینگەیەکی سەقامگیرتر لەناوچەکەدا.

لەلای خۆیەوە کاڵین، پابەندبوونی وڵاتەکەی بەبەردەوامی هەماهەنگی و هاوکاری لەگەڵ عێراق لە هەموو بوارەکان و کردنەوەی ئاسۆیەکی فراوانتر بۆ پەرەپێدانی پەیوەندییەکان و کردنەوەی ڕێچکەیەکی کارکردن لەنێوان دامەزراوە پەیوەندیدارەکان لەهەردوو وڵاتی دراوسێدا دووپاتکردەوە.

PUKMEDIA