سەرۆک کۆمار و جێگری سەرۆکوەزیرانی هەرێم چارەسەرکردنی کێشەکان و کاری هاوبەشیان تاوتوێ کرد

راگەیاندنی سەرۆکایەتی کۆمار

نزار ئامێدی سەرۆک کۆمار و قوباد تاڵەبانی جێگری سەرۆکی ئەنجومەنی وەزیرانی هەرێمی کوردستان

لە سەردانەکەیدا بۆ بەغدا، جێگری سەرۆکوەزیران لەگەڵ نزار ئامێدی، سەرۆککۆماری عیراق کۆبووەوە و لەسەر چەند پرسی جێی بایەخی هەردوولا گفتوگۆیان کرد.

لە کۆبوونەوەکەدا کە رۆژی یەکشەمە(28/6/2026) بەڕێوەچوو، باس لە دۆخی سیاسی ناوخۆی عیراق کرا. هەردوولا هاوڕابوون لەسەر پێویستیی کارکردنی زیاتر بۆ پاراستنی سەروەری و سەربەخۆیی سیاسی عیراق و پشتیوانیکردنی حکومەتی نوێ لە هەنگاوەکانی بەرەنگاربوونەوەی گەندەڵی.

سەبارەت بە پەیوەندییەکانی نێوان هەرێمی کوردستان و بەغداش، جەخت کرایەوە لەسەر پێویستیی زیادکردنی ئاستی هەماهەنگی نێوان هەردوولا بۆ چارەسەرکردنی کێشەکان و کاری هاوبەش بۆ گەشەپێدانی ئابووریی عیراق و هەرێمی کوردستان.

PUKMEDIA