پەرلەمانتارێکی یەکێتی بەدواداچوون بۆ کێشەیەکی هاووڵاتیانی کەرکوک دەکات

PUKMEDIA

پۆڵا شەھید سیروان دێڕەشەیی ئەندامی ئەنجومەنی نوێنەرانی عیراق

لە هەولێر فیزە بە دانیشتوانی شاری کەرکوک نادرێت و پەرلەمانتارێکی یەکێتیش دووپاتی دەکاتەوە، بەدواداچوونمان بۆ کێشەکە کردووە و بە نوسراوی رەسمی داوامان کردووە کارئاسانیان بۆ بکرێت و کێشەکە چارەسەر دەبێت.

پۆڵا شەھید سیروان دێڕەشەیی ئەندامی ئەنجومەنی نوێنەرانی عیراق، لە فراکسیۆنی یەکێتی رایگەیاند: لە لایەن چەند هاووڵاتییەکی شاری کەرکوکەوە، پەیوەندیم پێوەکرا، کە لە کونسوڵخانەی هندستان لە شاری هەولێر فیزە بە دانیشتوانی شاری کەرکوک نادرێت.

راشیگەیاند: بۆ ئەم مەبەستە پەیوەندیم بە کونسوڵی هندستانەوە کرد و بە نوسراوی رەسمی د.فوئاد حوسێن وەزیری دەرەوەم لە کێشەکە ئاگادار کردەوەتەوە و داوای چارەسەری ئەم کێشەیەم کردوە.

لە کۆتایشدا، پەرلەمانتارەکەی یەکێتی، دووپاتی کردەوە: ئێمە کار بۆ ئەوە دەکەین هاووڵاتیانی شاری کەرکوک، لە وەرگرتنی فیزەدا کارئاسانیان بۆ بکرێت و هەر لە هەولێر فێزە وەربگرن، کە لە 95% هاووڵاتیان بەمەبەستی وەرگرتنی چارەسەری پزیشکی ڕوو لە وڵاتی هیندستان دەکەن.

PUKMEDIA