سەرۆککۆمار جەخت لەپتەوکردنی پەیوەندییەکانی نێوان عيراق و مۆریتانیا دەکاتەوە

راگەیاندنی نزار ئامێدی، سەرۆككۆماری عیراق

نزار ئامێدی، سەرۆككۆماری عیراق و حەسەن محەمەد عەلیات باڵیۆزی مۆریتانیا لەعیراق

نزار ئامێدی، سەرۆككۆماری عیراق، بە بۆنەی دەستبەكاربوونی وەك سەرۆككۆمار،  پەیامێكی پیرۆزبایی لەلایەن محەمەد ولد شێخ غەزوانی سەرۆككۆماری مۆریتانیاوە پێگەیشت، كە پەیامەكە لەلایەن حەسەن محەمەد عەلیات باڵیۆزی مۆریتانیا لەعیراق، رۆژی دووشەممە 22ی 6ی 2026، پێشكەش بە سەرۆككۆمار كرا.

هاوكات نزار ئامێدی، سەرۆككۆماری عیراق، لەڕێگەی باڵیۆز عەلیاتەوە سڵاو و پێزانینی خۆی گەیاندە سەرۆك محەممەد ولد شیخ غەزوانی و جەختیكردەوە لە پەرۆشی عیراق بۆ پتەوكردنی پەیوەندی دوو قۆڵی لەگەڵ مۆریتانیا و پەرەپێدانی ئاسۆی هاریكاری هاوبەش لە بوارە جیاوازەكانی سیاسی و ئابووری و رۆشنبیری، بە شێوەیەك كە خزمەت بە بەرژەوەندی هاوبەشی هەردوو گەلی برا بكات و پەیوەندی برایەتی بەهێزتر بكات و هەماهەنگی نێوان هەردوو وڵات زیاتر پەرەپێبدات.

لای خۆیەوە باڵیۆزی مۆریتانیا پابەندبوونی وڵاتەكەی دووپاتكردەوە بۆ چەسپاندنی پەیوەندییەكانی لەگەڵ عیراق و فراوانكردنی هاریكاری هاوبەش، بە شێوەیەك كە ویستی هەردوو وڵات و گەلی برا بەدیبهێنێت.

PUKMEDIA