نزار ئامێدی: لەپێناو خزمەتکردنی بەرژەوەندییەکانی نیشتمان کاردەکەین

راگەیاندنی سەرۆکایەتی کۆمار

نزار ئامێدی سەرۆککۆماری عیراق

نزار ئامێدی سەرۆککۆماری عیراق بەبۆنەی هاتنەوەی سەری ساڵی کۆچییەوە پیرۆزبایی لە تەواوی گەلی عیراق و موسڵمانانی جیهان دەکات، راشیدەگەیەنێت پەیمان نوێ دەکەینەوە بۆ بەردەوامبوون لە کارکردن لە پێناو چەسپاندنی ئاسایش و سەقامگیری، بەهێزکردنی کاروانی گەشەپێدان و ئاوەدانکردنەوە، پاراستنی کەرامەتی هاووڵاتییان و خزمەتکردنی بەرژەوەندییەکانی نیشتمان.

دەقی پیرۆزباییەکەی سەرۆککۆمار:

لە سەرەتای ساڵێکی نوێی کۆچیدا و لەگەڵ هاتنی یەکی مانگی موحەڕەم، گەرمترین پیرۆزبایی و نزا و پاڕانەوەی خۆم ئاڕاستەی کۆمەڵانی خەڵکی عیراقی بەڕێز و سەرجەم ئومەی ئیسلامی دەکەم؛ بەو هیوایەی ئەم ساڵە ببێتە ساڵی خێر، ئاشتی و سەقامگیری بۆ وڵاتە ئازیزەکەمان.
یادی کۆچی پیرۆزی پێغەمبەر (د.خ) لە ناوەڕۆک و ماناکانی خۆیدا، وانەی گەورەی ئارامی، قوربانیدان و کارکردن بۆ بنیاتنانی کۆمەڵگەیەک لەسەر بنەمای دادپەروەری، میهرەبانی و پێکەوەژیان هەڵگرتووە.
لەم بۆنە پیرۆزەدا، پەیمان نوێ دەکەینەوە بۆ بەردەوامبوون لە کارکردن لە پێناو چەسپاندنی ئاسایش و سەقامگیری، بەهێزکردنی کاروانی گەشەپێدان و ئاوەدانکردنەوە، پاراستنی کەرامەتی هاوڵاتییان و خزمەتکردنی بەرژەوەندییەکانی نیشتمان.

PUKMEDIA