لە جەژندا دابەشکردنی مووچە بەردەوامە

PUKMEDIA

پارەی عیراقی

لەگەڵ ئەوەی دووەم رۆژی جەژنی قوربانە، ئەمڕۆ پێنج شەممە کۆتایی بەدابەشكردنی مووچەی مانگی ئایار دێت و چوار شوێن مووچە وەردەگرن.

ئەمڕۆ پێنجشەممە 28-5-2026 مووچەی دیوان و لیواکانی پێشمەرگە و فەرماندەیی دەڤەری یەک و دوو، بەڕێوەبەرایەتی پۆلیسی دام و دەزگا نەوتییەکان و ئەنجومەنی ئاسایش و دەزگای ئاسایش دابەشدەکرێت.

رۆژی 26ی5ی2026 وەزارەتی دارایی هەرێم، خشتەی مووچەی مانگی ئایاری فەرمانبەران و مووچەخۆرانی هەرێمی کوردستانی راگەیاند و دەستی بەدابەشکردنی مووچەی فەرمانبەران کرد، بەپێی خشتەکەش دابەشکردنەکە ماوەی سێ رۆژ دەخایەنێت، لەگەڵ راگەیاندنی خشتەکە وەزارەتی دارای هەرێم ئاماژەی بەوەکرد لەرۆژانی جەژنیشدا دابەشکردنی مووچە بەردەوامە و مووچەخۆران دەتوانن لە سەعات 10:00ی بەیانییەوە سەردانی بانکەکان بکەن بەمەبەستی وەرگرتنی مووچەکانیان.

ئەمەش لەکاتێکدایە، رۆژی 13ی 5ی 2026 دەستبەدابەشکردنى مووچەی مانگی نیسانی فەرمانبەران و مووچەخۆرانی هەرێمی کوردستان کرا و ماوەی سێ رۆژی خایاند، واتە لەماوەی مانگێکدا مووچەخۆرانی هەرێم دوو جار مووچەیان وەرگرتووە.

PUKMEDIA