بەرزبونەوەی پلەکانی گەرما لەعیراق دەگاتە لوتکە

یەرشیف

خۆڵبارین

بەپێی ڕاگەیەندراوێکی دەستەی کەشناسیی عیراق، لەم هەفتەیەوە شەپۆلێکی گەرما و خۆڵبارین وڵات دەگرێتەوەو لە رۆژی پێنجشەممەدا بەرزبونەوەی پلەی گەرما دەگاتە لوتکە.

دەستەی کەشناسی عیراق لە راگەیەندراوێکدا رایگەیاندووە: لەم هەفتەیەوە پلەکانی گەرما بە شێوەیەکی بەرچاو بەرز دەبنەوە و رۆژی پێنجشەممە (28ی ئایار) دەگاتە لووتکە و لە رۆژی هەینی (29ی ئایار)، پلەکانی گەرما دادەبەزن، بەڵام بەهۆی چالاکبوونی با، شەپۆلێکی خۆڵبارینی مامناوەند و بەهێز ناوچەکانی ناوەڕاست و ڕۆژئاوای عیراق دەگرێتەوە.

ئاماژەی بەوەشداوە: ئەم ناجێگیرییە بەهۆی نزیکبوونەوەی وەرزی هاوینە کە بە رەسمی لە ١ی حوزەیران دەست پێ دەکات.

هاوکات دەستەی کەشناسی هۆشداری دەداتە شۆفێرانی ڕێگا دەرەکییەکان بەهۆی کەمبوونەوەی مەودای بینین، هەروەها داوا لەو کەسانە دەکات کە نەخۆشیی تەنگەنەفەسی و ڕەبۆیان هەیە ئاگاداری تەندروستی خۆیان بن لە کاتی خۆڵبارینەکەدا.

PUKMEDIA