دەزگای دژەتیرۆر: بەهۆی تەقینەوەیەکەوە حەوت سەرباز بوونە قوربانی

دەزگای دژەتیرۆری عیراق

کارمەندانی دەزگای دژە تیرۆر لەکاتی ئۆپراسیۆنێکدا

ئەمڕۆ 24ی5ی2026،دەزگای دژەتیرۆری عیراق،رایگەیاند: بەهۆی تەقینەوەی بۆمبێکی چێندراوی پاشماوەکانی چەکدارانی تێرۆریستی داعش لە پارێزگای موسڵ سێ سەرباز کوژراون و چواری دیکەش بریندار بوون.

بەپێی راگەیەندراوێکی دەزگاکە؛ لە چوارچێوەی هەڵمەتە مەیدانییەکانی پشکنین کە کارمەندانی دەزگای دژەتیرۆر لە پارێزگا جیاجیاکانی عیراقدا ئەنجامی دەدەن، بۆمبێکی چێندراو لە بیابانی حەزەر لە باشووری رۆژئاوای پارێزگای موسڵ بە مەفرەزەیەکی دەزگاکەمان تەقیوەتەوە، کە پاشماوەی چەکدارانی داعش بوو.

پەیوەست بە قوربانییەکانیش، دەزگای دژە تیرۆری عیراق، ئاشکرای کردووە، کە بەهۆیەوە سێ سەرباز کوژراون و چواری دیکەش بریندار بوون.

 لە کۆتایشدا، دەزگای دژە تیرۆر دووپاتی کردووەتەوە: کارمەندانی دەزگای دژەتیرۆر بەردەوام دەبن لە راپەڕاندنی ئەرکە نیشتمانییەکانیان بە هەموو ئازایەتی و پێداگرییەکەوە.

PUKMEDIA