وەزیری نەوت: بۆری هەرێمی کوردستان تاکە دەروازەی هەناردەکردنی نەوتی عیراقە

راگەیاندنی وەزیری نەوت

باسم محەممەد،وەزیری نەوتی عیراق

وەزیری نەوتی عیراق ڕایگەیاند،ئەو بڕە نەوتەی کەلە ئێستادا لە هورمزەوە هەناردە دەکرێت،کەمترە لە 10%ـی دۆخی ئاسایی،لەم دۆخەشدا بۆری نەوتی هەرێمی کوردستان بووەتە تاکە دەروازە بۆ هەناردە کردنی نەوتی وڵاتەکە.

باسم محەممەد،وەزیری نەوتی عیراق، ئاشکرای کرد: لە چوارچێوەی ئەم دۆخە نوێیەدا هەناردە کردنی نەوت تەنها لە ڕێگەی بۆری گواستنەوەی نەوتی هەرێمی کوردستانەوە بەردەوامە.
 جەختیشی کردەوە کە لەم ڕێگەیەوە ڕۆژانە بڕی 200 هەزار بەرمیل نەوت ڕەوانەی دەرەوە دەکرێت.

وەزیری نەوت ئاماژەی بەوەشکردووە: ئەو بڕە نەوتەی لە ڕێگەی بۆرییەکانی هەرێمی کوردستانەوە دەخرێتە گەڕ،ڕاستەوخۆ هەناردەی بەندەری جەیهانی تورکیا دەکرێت.

ئەمەش کاتێکدایە، بەهۆی ئاڵۆزییەکانی ناوچەکەوە،دەروازە ئاوییەکانی باشووری عیراق دووچاری سستیی گەورە بوونەتەوە.

PUKMEDIA