وەزیری نەوتی عیراق داوای بودجەیەکی پێنج ساڵی دەکات

واع

سەرۆکوەزیرانی عیراق لە وەزارەتی نەوت

عەلی زەیدی سەرۆکوەزیرانی عیراق، داوا دەکات چەندین دەروازەی جێگرەوە بۆ هەناردەی نەوت بکرێتەوە و وەزیری نەوتیش داوای بودجەیەکی پێنج ساڵی دەکات.

 بەپێی هەواڵێکی ئاژانسی هەواڵەکانی عیراق، ئەمڕۆ سەرۆکوەزیرانی عیراق سەردانی وەزارەتی نەوتی کردووە، لە میانەی کۆبوونەوەیەکیشدا لەگەڵ ستافی وەزارەت داوای کردووە داهات زیاد بکەن بەوپێیەی وەزارەتی نەوت شادەماری ئابوری عیراقە.

سەرۆکوەزیرانی عیراق، داواشی کردووە پەلە بکرێت لە هەناردەکردنەوەی نەوت لە رێگەی هەرێمی کوردستان و دەروازە جێگرەوەکان، بۆ ئەوەی داهات زیاد بکرێت.

دووپاتیشی کردەوە: لە ئێستادا کار لەسەر زیادکردنی دەروازەکان بۆ هەناردەی نەوت دەکرێت، بۆ ئەوەی لە هەموو بارودۆخێکدا بتوانرێت، نەوت هەناردە بکرێت.

 لەلایەکی دیکەوە، باسم محەمەد وەزیری نەوتی فیدڕاڵی، داوای کرد: عیراق بوودجەی پێنج ساڵی ئامادە بکات، بۆ تەواوکردنی پرۆژە ستراتیژییەکانی نەوت، ئەمە جگە لەوەی داوای فرە دەروازەی بۆ هەناردەی نەوت کردووە.


PUKMEDIA