سەرۆککۆمار و سەرۆکوەزیران: حکومەت دۆخی خزمەتگوزاری باشتر بکات

نوسینگەی راگەیاندنی سەرۆکایەتی کۆمار

نزار ئامێدی سەرۆککۆمار و عەلی زەیدی سەرۆکوەزیرانی عیراق

ئەمڕۆ 19ی5ی2026، نزار ئامێدی سەرۆککۆماری عیراق، چاوی کەوت بە عەلی فالح ئەلزەیدی، سەرۆکوەزیران و لە دیدارێکیشدا باسیان لە کارنامەی حکومەت کرد کە ببێتە هۆکاری باشترکردنی دۆخی خزمەتگوزاری و ئابوری وڵات.

لەو دیدارەدا،سەرۆککۆمار پیرۆزبایی لە عەلی زەیدی کرد، بەبۆنەی بەدەستهێنانی متمانەی ئەنجومەنی نوێنەران و پێکهێنانی حکومەتی نوێ، و هیوای سەرکەوتنی بۆ خواست لە ئەرکەکانیدا.

لەمیانی دیدارەکەدا باسیان لەبارودۆخی گشتی عیراق و گرنگی پاڵپشتیکردنی حکومەت لەجێبەجێکردنی کارنامە و پلانەکانی پەرەپێدان کرد، بەجۆرێک کەببێتە هۆکاری باشترکردنی دۆخی خزمەتگوزاری و ئابوری وڵات و دابینکردنی پێداویستییەکانی سەرجەم هاووڵاتیان.

هەر لە دیدارەکەدا جەخت لە پێویستی بەردەوامی هەماهەنگی و هاوکاری نێوان چوار سەرۆکایەتییەکە کرایەوە بۆ پاراستنی سەقامگیری و بەهێزکردنی هەوڵە هاوبەشەکان بۆ خزمەتکردنی وڵات.

PUKMEDIA