عيراق لەمانگی نیساندا نزیکەی 10 ملیۆن بەرمیل نەوتی هەناردە کردووە

راگەیاندنی وەزارەتی نەوتی عيراق

بینای وەزارەتی نەوتی عيراق لە بەغداد

وەزارەتی نەوتی عیراق، ئاماری كۆتایی هەناردەو داهاتی نەوتی بۆ مانگی نیسانی رابردوو راگەیاندو بەپێی ئامارەكەش، نزیكەی 10 ملیۆن بەرمیل نەوت هەناردەكراوەو داهاتەكەشی زیاتر لە یەک ملیار دۆلار بووە.

ئەمڕۆ 18ی ئایاری 2026، وەزارەتی نەوتی عیراق، كۆی گشتی هەناردە و داهاتی نەوتی و ئاماری كۆمپانیای بەبازاڕكردنی نەوتی عیراق سۆمۆی بۆ مانگی نیسانی رابردوو راگەیاند و ئاماژەی بەوەكرد، قەبارەی هەناردەكردنی نەوتی خاو گەیشتووەتە نۆ ملیۆن و 884 هەزارو 130 بەرمیل نەوت كە داهاتەكەی یەك ملیارو 87 ملیۆن و 82 هەزار دۆلار بووە.

ئامارەكان ئاماژە بەوەدەكەن، كەكۆی قەبارەی هەناردەكراوی نەوتی خاو لەبەسرە لەمانگی نیساندا گەیشتووەتە چوار ملیۆن و 587 هەزار و 610 بەرمیل نەوت، لەكاتێكدا قەبارەی هەناردەكراو لەهەرێمی كوردستانەوە لەڕێگەی بەندەری جەیهانی توركیاوە 339 هەزار و 64 بەرمیل نەوت بووە، هاوكات قەبارەی هەناردەكراو لەكەركوكەوە لەڕێگەی هەمان بەندەرەوە گەیشتووەتە چوار ملیۆن و 957 هەزار و 456 بەرمیل نەوت.

PUKMEDIA