وه‌زاره‌تی دارایی: هه‌تا ته‌واوی مووچه‌ له‌عیراقه‌وه‌ نه‌یه‌ت مووچه‌ دابه‌شناكرێت

PUKMEDIA

پارەی عیراقی

دارایی هەرێم رایگەیاند: بەشێک لە تەمویلی مووچەی مانگی نیسان خرایە سەر هەژماری بانکی وەزارەتی دارایی و چاوەڕوان دەکرێت تەواوی مووچە بنێردرێت بەمەبەستی دابەشکردنی بەسەر فەرمانبەران و مووچەخۆراندا

وەزارەتی دارایی و ئابوری هەرێم لە راگەیەندراوێکدا کە کۆپییەکی دەست PUKMEDIA کەوتوە رایگەیاند: نیوەڕۆی ئەمڕۆ دووشەممە ( 11 ی ئایاری 2026) بڕی ( 663،805،000،000 ) شەش سەدو شەست و سێ ملیارو هەشت سەدو پێنج ملیۆن دینار وەک بەشێک لەتەمویلی مووچەی مانگی نیسانی فەرمانبەران و مووچەخۆرانی هەرێمی کوردستان خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق.

ئاماژەی بەوەشداوە: چاوەڕێ دەکرێت سبەی سێ شەممە گوژمەی تەواوکاری مووچە بگاتە سەر هەژماری وەزارەتمان و لەگەڵ گەیشتنی تەواوی تەمویلی مووچەو وەرگرتنی پارەکە لەلقی هەولێری بانکی ناوەندی عێراق راستەوخۆ خشتەی مووچە رادەگەیەنرێت و دەست بەدابەشکردنی مووچەی مانگی نیسانی فەرمانبەران و مووچەخۆرانی هەرێمی کوردستان دەکرێت.

PUKMEDIA