بەڕێوەبەری خۆراکی سلێمانی بۆ PUKMEDIA: دابەشکردنی بەشەخۆراک بەردەوامە

PUKMEDIA

بەشەخۆراکی مانگانە

دەنگۆی کەمبوونەوەی دابەشکردنی بەشەخۆراکی مانگانە رەتدەکرێتەوە و بەڕێوەبەری خۆراکی سلێمانی-ش دەڵێت: دابەشکردنی بەشەخۆراکی مانگانە هاوشێوەی ساڵەکانی رابردوو بەردەوام دەبێت.

کامەران فەتاح بەڕێوەبەری خۆراکی سلێمانی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند: لەگەڵ ئەوەی لەماوەی رابردوودا سەبەتە خۆراکی یەکەمی مانگی ئازاری ئەمساڵی دابەشکرد، لەئێستادا بەردەوامین لەدابەشکردنی سەبەتە خۆراکی دووەمی مانگی ئازار.

سەبارەت بە دەنگۆی کەمبوونەوەی دابەشکردنی بەشەخۆراکی مانگانە، بەڕێوەبەری خۆراکی سلێمانی ئاماژەی بەوەشکرد، ئەو دەنگۆیە هیچ بنەمایەکی راستیی نییە و کۆگانمان بەشەخۆراکی چەند مانگێکی تێدایە و سەرجەم ئەو خۆراکانەی لەڕابردوودا دابەشدەکران لەئێستاشدا بەردەوامن لەدابەشکردن و کەم نەبوونەتەوە.

ئەمەش لەکاتێکدایە، بەشەخۆراکی مانگانەی هاووڵاتیان کە خۆی لە (ئارد، برنج، زەیت، نیسک، فاسۆلیا، نۆک، لەتکە نۆک، دۆشاو، شەکر) دەبینێتەوە، مانگانە بەسەر هاووڵاتیاندا دابەشدەکرێت، بەڵام بە تێکڕای ساڵەکە چەند مانگێک دابەشناکرێت و ئەمەش کاریگەری لەسەر جێگیرکردنی نرخی خۆراک لەبازاڕەکاندا هەیە و بەدابەشنەکردنی بەشەخۆراک، نرخەکان لەبازاڕدا بەرز دەبنەوە.

PUKMEDIA