عیراق هەناردەی نەوت لە باشورەوە دەستپێدەکاتەوە

SKY NEWS

هەناردەی نەوتی عیراق

دوای کردنەوەی گەروی هورمز، عیراق لە رێگەی بەندەرەکانی باشوری وڵاتەوە، دەستی بە هەناردەی نەوت کردەوە و یەکەم کەشتی نەوتهەڵگریش، نەوتی عیراق بۆ ڤێتنام دەگوازێتەوە و لە هەفتەی داهاتووشەوە بۆ چەندین وڵاتی دیکە نەوت هەناردە دەکرێتەوە.

بەپێی لێدوانی بەرپرسانی باڵای کەرتی نەوت، کەشتییەکی نەوتهەڵگر کە ئاڵای وڵاتی ماڵتای هەڵگرتووە، ئێوارەی ڕۆژی 17ی4ی2026، گەیشتە یەکێک لە سەکۆکانی بەندەرەکانی باشوری عیراق و دەستی بە بارکردنی نەوت کرد.

هاوکات، لێپرسراوێکی کۆمپانیای سۆمۆ ئاشکرای کرد، کەشتییە ماڵتاییەکە بۆ کۆمپانیاییەکی نەوتی ڤێتنام کاردەکات.
پەیوەست بە وڵاتانی دیکەش، ئەوە چەندین کڕیاری دیکە بەڵێنیان داوە لە هەفتەی داهاتوو و مانگی ئایاردا کەشتییەکانیان ڕەوانەی باشوری عیراق بکەن بۆ گواستنەوەی نەوت.

ئەمەش لەکاتێکدایە،ئاستی بەرهەمهێنانی گشتی وڵات نزیکەی 1.6 ملیۆن بەرمیلە لە ڕۆژێکدا، کە 3.3 ملیۆن بەرمیل کەمترە لەو ئاستەی لە مانگی شوباتدا تۆمار کرابوو، بەمەش داهاتی عیراق بەرێژەی %70 کەمی کرد ،بەشێوەیەک لە 6 ملیار و 814 ملیۆن و 585 هەزار دۆلارەوە بۆ یەک ملیار و 957 ملیۆن و 121 هەزار دۆلار دابەزی.

PUKMEDIA