ئەو کەسانە ئاگاداردەکرێنەوە کە فۆڕمی ئەلکترۆنی خۆراکیان پڕنەکردووەتەوە

PUKMEDIA

فۆڕمی ئەلکترۆنی خۆراک

وەزارەتی بازرگانی هەرێم رایدەگەیەنێت: تەنها پێنج رۆژ لەبەردەم ئەو کەسانەدا ماوە کە پسووڵەی ئەلکترۆرنی خۆراکیان پڕنەکردووەتەوە و دوای ئەو ماوەیە پرۆسەکە دەبێت بە پارە.

لەڕاگەیەنراوێکدا وەزارەتی بازرگانی و پیشەسازی هەرێمی کوردستان رایگەیاند:ئەو هاوڵاتییانە ئاگادار دەکەینەوە کە تا ئێستا پسووڵەی خۆراکی ئەلیکترۆنییان پڕنەکردووەتە، دەتوانن تا 20ی ئەم مانگە خۆیان تۆمار بکەن بێ بەرامبەر.

ئاماژە بەوەشدراوە، لە دوای 20ی ئەم مانگە خزمەتگوزارییەکە بێ بەرامبەر نامێنێت، لەهەر هاووڵاتییەک بڕێک پارە وەردەگیرێت.

ئەمەش لەکاتێکدایە، رۆژی 3ی حوزەیران، پڕۆسەی بە ئەلکترۆنیکردنی فۆرمی خۆراکی هاووڵاتیان لە هەرێمی کوردستان دەستیپێکرد و بەگوێرەى ئەو داتایانەی کە PUKMEDIA وەریگرتوون، هەتا ئێستا لە پارێزگاى سلێمانى %85ى هاووڵاتییان، لە پارێزگاى هەڵەبجە لە %90ى هاووڵاتییان و لە پارێزگاى هەولێر %86 ى هاووڵاتییان و لە پارێزگاى دهۆک % 79ى هاووڵاتییان فۆڕمەکەیان بۆ بەئەلکترۆنىکردنى فۆڕمى خۆراک پڕ کردووەتەوە.

PUKMEDIA