هێرشەکانی ئیسرائیل بۆ سەر ئێران گەڕانەوەی حاجییانی هەرێم رادەگرێت

کەناڵی گەلی کوردستان/ ئەرشیف

حاجیانی هەرێمی کوردستان

وتەبێژی وەزارەتی ئەوقافی هەرێم رایگەیاند، ئەگەر گەشتە ئاسمانییەکان دەستپێنەکەنەوە گرفت بۆ گەڕانەوەی حاجییان دروستدەبێت.

نەبەز ئیسماعیل وتەبێژی وەزارەتی ئەوقاف و کاروباری ئایینی هەرێم راگەیاند: بڕیاربوو سبەینێ شەممە سەعات 7:00 ی بەیانی ئەو حاجییانەی بە رێگای ئاسمانیی گەشتیانکردبوو بگەڕێنەوە هەرێم، بەڵام بەهۆی راگرتنی گەشتەکانەوە پێدەچێت گرفتیان بۆ دروستبێت.

دەشڵێت، لە ئێستادا هیچ نوسراوێکمان بەڕەسمیی بۆ نەهاتووە و ئاگادارنەکراوینەتەوە لە دواکەوتنی گەشتەکەیان، ئێمەش چاوەڕوانین هەر بڕیارێک هەبێت پابەند دەبین پێوەی.

ئاماژەی بەوەشكرد، یەکەم کاروانی حاجییان کە بە رێگای وشکانیی گەشتیان کردبوو، بەڕێکەوتوون بۆ خاکی هەرێمی کوردستان پێشبینیدەکەین سبەیشەو بگەنەوە.

PUKMEDIA