یه‌كه‌م كاروانی حاجیانی سلێمانی له‌رێگه‌ی فڕۆكه‌وه‌ به‌ره‌و سعودیه‌ به‌ڕێده‌كه‌وێت

کەناڵی گەلی کوردستان

یەکەم کاروانی حاجییان بەڕێگەی ئاسمانی لەڕێگەی فڕۆکەخانەی نێودەوڵەتی سلێمانییەوە بەڕێکەوتن

ئەمڕۆ 19ی5ی2025 یەکەم کاروانی حاجییان بەڕێگەی ئاسمانی لەڕێگەی فڕۆکەخانەی نێودەوڵەتی سلێمانییەوە بەمەبەستی بەجێگەیاندنی فەریزەی حەج بەڕێکەوتن بۆ سعودیە، بەڕێوەبەری راگەیاندن و پەیوەندییەکانی فڕۆکەخانەی نێودەوڵەتی سلێمانی-ش رایدەگەیەنێت:" کۆی گشتی ئەو کەسانەی لەڕێگەی ئاسمانییەوە بەڕێدەکەون بۆ بەجێگەیاندنی فەریزەی حەج هەزار و 343 کەسە و لەیەکەم کاروانیشدا 144 کەسیان بەڕێکەوتن".

دانا محەمەد سەعید بەڕێوەبەری راگەیاندن و پەیوەندییەکانی فڕۆکەخانەی نێودەوڵەتی سلێمانی بەوێبسایتی رەسمیی یەکێتیی نیشتمانیی کوردستان PUKMEDIA ی راگەیاند:" ئەمساڵ فڕۆکەخانەی نێودەوڵەتی سلێمانی بەشێوەیەکی جیاواز پێشوازی لەو کەسانە دەکات کە لەڕێگەی ئاسمانییەوە بەڕێدەکەون بۆ بەجێگەیاندنی فەریزەی حەج".

" کۆی گشتی ئەو کەسانەی لەڕێگەی ئاسمانییەوە بەڕێدەکەون بۆ بەجێگەیاندنی فەریزەی حەج هەزار و 343 کەسە، کە لەپارێزگاکانی سلێمانی و هەڵەبجە و گەرمیان و ئیدارەی راپەڕینن، لەیەکەم کاروانیشدا ئەمڕۆ 144 کەسیان بەڕێکەوتن و تا 27ی ئەم مانگە بەڕێکەوتنیان بەردەوام دەبێت"، دانا محەمەد وایوت.

هاوکات وەزارەتی ئەوقاف و کاروباری ئاینی ئاماژەی بەوەکرد، لەڕێگەی تیروپشکەوە ژمارەیەک کورسییان  بۆ وارسی شەهیدان دیاریکرد، کە ئەمڕۆ 20 لەو کەسانە لەگەڵ یەکەم کاروانی حاجییان بەڕێگەی ئاسمانی بەڕێکەوتن.

ئەمەش لەکاتێکدایە یەکەم کاروانی حاجیانی هەرێمی کوردستان لەسلێمانییەوە بەڕێگای وشکانی لە رۆژى 15ى 5ى 2025 بەرەو وڵاتی سعودیە بەڕێکەوتن و تا ئێستاش 21 هەزار  حاجى عیراقی بۆ بەجێهێنانی فەریزەی حەج گەیشتوونەتە سعودیە.
 
PUKMEDIA