وەفدێکی یەکێتی سەردانی حزبى شیوعى و پارتی ئیرادەی نیشتمانی تورکمانی دەکات

PUKMEDIA

سەردانی وەفدێکی یەکێتی

وەفدێکى ئەنجوومەنى سەرکردایەتى یەکێتیی نیشتمانیی کوردستان، کە پێکهاتبوون لە ئەندامانی سەرکردایەتى د.مەجید و سالار سەرحەد خەلیفە یونس و دارا خەیلانى و ریباز بیرکۆتی، لەشارى هەولێر سەردانى د.کاوە مەحود سکرتێرى حزبى شیوعى کوردستان و مەحمود جەلەبى سەرۆکی پارتی ئیرادەی نیشتمانی تورکمانییان کرد.

لە دوو کۆبوونەوەى جیادا، لەگەڵ حزبى شیوعى کوردستان و پارتی ئیرادەی نیشتمانی تورکمانی، گفتوگۆکرا لەسەر رەوشى هەریمى کوردستان و عیراق و ئامادەکارییەکان بۆ هەڵبژاردنى خولى شەشەمى پەرلەمانى کوردستان و دووپاتکردنەوەى بەهێزى پەیوەندییەکان، بۆ یەکڕیزى نیشتیمانى لە پرسە چارەنوسسازەکاندا.

هاوکات جەخت لە چارەسەرکردنى ئاستەنگ و گرفتەکان و وەڵامدانەوەى داخوازییەکانى هاووڵاتیان لە دابینکردنى خزمەتگوزارى و پێداویستیەکانیان کرایەوە.

PUKMEDIA