سوپاسنامەیەک لە بنەماڵەی عەلی شامار و وەسفیە بەنی وەیس-ەوە
ی ن ک 05:11 PM - 2024-04-24عەلی شامار پێشمەرگە و تێكۆشەری دێرین
بنەماڵەی كۆچكردووان (عەلی شامار و وەسفیە بەنی
وەیس)، لە پەیامێکدا سوپاسی بافڵ جەلال تاڵەبانی سەرۆکی یەکێتیی نیشتمانیی
کوردستان و مەکتەبی سیاسی و سەرکردایەتی یەکێتی و کەسایەتییەکان و کەناڵەکانی
راگەیاندن و سەرجەم چین و توێژەكانی كۆمەڵانی خەڵكی كوردستان دەکەن و رایدەگەیەنن:
"بەشداریكردنتان لە رێوڕەسمی بەخاكسپاردن و پرسەی خوالێخۆشبوو (عەلی شامار) بەرز
دەنرخێنین و خەم و پەژارەی ئێمەتان كەمكردەوە ئەم هەڵوێستەتان بووە مایەی سەبوری و
ئارامی و دڵنەوایمان و دڵسۆزی و وەفاداریتان هیچ كات لەیادناكەین".
لە پەیامەکەشدا هاتووە: "بە ئامادەبوون و دڵنەواییەكانتان
ئەو ڕاستییەتان وەبیر خستینەوە كە خوالێخۆشبوو (عەلی شامار) بەتەنها موڵكی بنەماڵەكەمان
نەبووە بەڵكو موڵكی هەموو كوردستان بووە بۆیە هەمیشە شانازی بەو خەباتە پیرۆزەی بنەماڵەكەمانەوە
دەكەین و بەڵێن دەدەین ڕێچكەو ڕێبازیان بەرنەدەین".
دەقی پەیامەکە
بەناوی خودای بەخشندە و میهرەبان
سوپاسنامە
بەرێز سەرۆكی یەكێتیی نیشتمانیی كوردستان كاك
بافڵ جەلال تاڵەبانی.
بەرێزان ئەندامانی مەكتەبی سیاسی و سەركردایەتی
و ئەنجومەنی پاراستنی بەرژەوەندییە باڵاكانی (ی.ن.ك).
بەڕێزان لە پارتە سیاسیەكان و كۆمەڵە و ڕێكخراوەكان.
بەرێزان لێپرسراوو كەسایەتیە حكومی و حزبی و پێشمەرگە
و فەرماندە سەربازییەكانی هەرێمی كوردستان و عێراق.
بەرێزان دەزگاو كەناڵەكانی راگەیاندن و میدیاكاران.
بەرێزان سەرجەم چین و توێژەكانی كۆمەڵانی خەڵكی
كوردستان.
بەناوی بنەماڵەی كۆچكردووان (عەلی شامار و وەسفیە
بەنی وەیس) ەوە سوپاس و پێزانینی زۆرمان ئاراستەی بەڕێزتان دەكەین بەشداریكردنتان
لە رێوڕەسمی بەخاكسپاردن و پرسەی خوالێخۆشبوو (عەلی شامار) بەرز دەنرخێنین و خەم و
پەژارەی ئێمەتان كەمكردەوە ئەم هەڵوێستەتان بووە مایەی سەبوری و ئارامی و دڵنەوایمان
و دڵسۆزی و وەفاداریتان هیچ كات لەیادناكەین .
بە لەدەستدانی (مامۆستا وەسفیە و دكتۆر كاروان) گەورەترین كۆست و نەهامەتی ڕوو بەڕووی
بنەماڵەكەمان بویەوە بەڵام (عەلی شامار) سەبوری و دڵنەوایی بوو بۆمان، ئێستاش بەم
كۆستە گەورەیە زامەكانمان هێندەیتر قوڵتربونەوە مەگەر بە ڕەحمی خوای گەورە و هاوسۆزیی
و هاوخەمی ئێوەی خۆشەویست و بەئەمەک بەرامبەر بە لەدەستدانی (عەلی شامار) كەڵە تێكۆشەری
گەلەكەمان لە شار و شاخ ئەم زامە گەورەیەمان
ساڕێژبكرێت.
بەڕێزان بە ئامادەبوون و دڵنەواییەكانتان ئەو ڕاستییەتان
وەبیر خستینەوە كە خوالێخۆشبوو (عەلی شامار) بەتەنها موڵكی بنەماڵەكەمان نەبووە بەڵكو
موڵكی هەموو كوردستان بووە بۆیە هەمیشە شانازی بەو خەباتە پیرۆزەی بنەماڵەكەمانەوە
دەكەین و بەڵێن دەدەین ڕێچكەو ڕێبازیان بەرنەدەین.
لە كۆتاییدا نزادەكەین كە هەمووان لە كۆست خەم و
ناخۆشی بە دووربن، یەزدانی مەزن كۆچكردوانی هەموولایەك بە بەهەشتی بەرین و نەبڕاوەی
خۆی شاد بكات.
دووبارە سوپاس و ستایش بۆ خەمخۆری و وەفاداریتان…
ڕێبوار عەلی شامار
لەجیاتی بنەماڵەی كۆچكردوو عەلی شامار
٢٤ - ٤ - ٢٠٢٤
هەواڵی زیاتر
-
سالار مەحمود: پەرلەمان بووەتە قوربانی ململانێی نا سیاسی
09:38 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
06:29 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
02:32 PM - 2024-05-03
ئەمانەش ببینە
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
05:23 PM - 2024-05-03
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
03:22 PM - 2024-05-03
قوباد تاڵەبانی: بەرگریکردن لە ئازادی رۆژنامەگەری پرەنسیپێکی نەگۆڕی ژیانی سیاسیمە
11:43 AM - 2024-05-03
داهاتی هەفتەی رابردووی سلێمانی زیاتر لە 26 ملیار دینارە
08:46 AM - 2024-05-03
زۆرترین خوێنراو
-
بۆچی ھەڵبژاردنی پەرلەمان گرنگە بۆ کوردستان
بیروڕا 09:26 PM - 2024-05-03 -
قوباد تاڵەبانی: گیانلەدەستدانی چەند ئەندامێکی گروپێکی شاخەوانی هەموومانی دڵگران کرد
پرسەنامە 07:12 PM - 2024-05-03 -
شاڵاو کۆسرەت رەسوڵ: لەخزمەتی خانەوادەی شەهیداندا دەبین
ی ن ک 06:29 PM - 2024-05-03 -
سەرۆک بافڵ: هەوڵەكانمان لەپێناو پاراستنی ژیانی خەڵك و سەقامگیریی وڵاتدا بەردەوام دەبێت
کوردستان 05:23 PM - 2024-05-03 -
سەرۆک بافڵ و سودانی: یاسا بەرکارەکان هەوێنی تێپەڕاندنی ئاڵنگارییەکان بن
کوردستان 03:22 PM - 2024-05-03 -
لە رۆژی ئازادی رۆژنامەگەریدا مەترسی لەسەر رۆژنامەنووسانی هەرێم هەیە
کوردستان 02:32 PM - 2024-05-03 -
پرسەنامەی قوباد تاڵەبانی بۆ خانەوادەی شێخ فەریق تاڵەبانی
پرسەنامە 01:57 PM - 2024-05-03 -
مەکتەبی سکرتارییەت: یەکێتی بە شانازییەوە لە رابردووی تێکۆشەرەکانی دەڕوانێت
ی ن ک 01:56 PM - 2024-05-03