د. بەرهەم بە هاوکاری باڵای زانکۆی هارڤارد دەستنیشان دەکرێت

Belfer Center for Science and International Affairs

د. بەرهەم ساڵح

بەگوێرەی راگەیاندنی زانکۆی هارڤارد، د. بەرهەم ساڵح وەک هاوکاری باڵا لە زانکۆی هارڤارد، سەنتەری بێڵفەر بۆ زانست و کاروباری نێودەوڵەتی و بەرنامەی رۆژهەڵاتی ناوەڕاست لە کەنەدی سکوڵ دەسنیشاندەکرێت.

د. بەرهەم ئەزمونێکی فراوان دەباتە سەنتەرەکە

سەنتەری بێڵفەر بۆ زانست و کاروباری نێودەوڵەتی لە زانکۆی هارڤارد کەنەدی سکوڵ  دەستنیشانکردنی د. بەرهەم ساڵح سەرۆکی پێشوی کۆماری عیراقی وەک هاوکاری باڵا راگەیاند و  سەنتەرەکەش پێێ وایە د. بەرهەم ساڵح بە باکگراوندی بەرفراوانی لەبواری ئەکادیمیا و خزمەتی گشتیدا، تێگەیشتنێکی قوڵ و ئەزمونێکی دەوڵەمەند دەباتە سەنتەری بێڵفەر بۆ بەرەوپێشبردنی زانیاری پەیوەندیدار بەسیاسەت لەبارەی گرنگترین ئاڵنگاریەکانی ئاسایشی نێودەوڵەتی.

بەڕێوەبەری سەنتەری بێڵفەر: د. بەرهەم سەرکردەیەکی بە ئەزمونە

پڕۆفیسۆر مێگان ئۆسولیڤان، بەڕێوەبەری سەنتەری بێڵفەر دەڵێت: "د. بەرهەم ساڵح سەرکردەیەکی خاوەن بەهرە و تێڕوانین و بوێریەکی نائاساییە، لە چەندین ڕۆڵی جیاوازدا بەدۆخی قورس و مەترسیداردا تێپەڕیوە، ئەو بەو هەموو ئەزموونانە و ئەو وانانەی کە لێیانەوە فێربووە بۆ ئێمەی دەهێنێت لە سەنتەری بێڵفەر"، "ئەم تێگەیشتنە قوڵانەی ئەو یارمەتیمان دەدات بۆ باشتر تێگەیشتن لە سروشتی سەرکردایەتی، روداوەکانی عیراق و ناوچەکە بەگشتی و رووداوەکانی پەیوەست بە پەرەسەندنی رۆڵی هێزەکانی رۆژھەڵاتی ناوەڕاست لە جیهانی ئەمڕۆدا."

پڕۆفیسۆر تاریق مەسعود، لە دامەزراوەی فۆرد و پڕۆفیسۆری دیموکراسی و حوکمڕانی و بەڕێوەبەری بەرنامەی رۆژهەڵاتی ناوەڕاست ئاماژەی بەوەداوە: "د. بەرهەم ساڵح ئەزمونێکی بەنرخ دەهێنێت بۆ سەنتەری بێڵفەر و بەرنامەی رۆژهەڵاتی ناوەڕاست".
PUKMEDIA