پیرۆزباییەکان بۆ هاتنی مانگی پیرۆزی رەمەزان

PUKMEDIA

هاتنی مانگی پیرۆزی رەمەزان

بەبۆنەی هاتنەوەی مانگی پیرۆزی رەمەزان، چەندین پیرۆزبایی ئاڕاستەی موسوڵمانانی کوردستان، عیراق و جیهان دەکرێت کە ئەمە دەقەکانیانە.

پیرۆزبایی مەکتەبی سیاسی 

بەبۆنەی هاتنەوەی مانگی پیرۆزی رەمەزانەوە، پیرۆزبایی گەرم ئاراستەی سەرجەم  موسڵمانانی كوردستان و عیراق بە تایبەتی و جیهان بەگشتی  دەكەین .

  ئومێد دەكەین  ئەم مانگە ببێتە مایەی خێر و خۆشی و قووڵبوونەوەی گیانی لێبوردەیی و و ئۆقرەیی بۆ هەموان، کە تێیدا داوا ڕەواکانی کۆمەڵانی خەڵکی کوردستان  بۆ باشکردنی ژیان و گوزەرانیان بێنەدی  .


مەكتەبی سیاسی
یەكێتیی نیشتمانیی كوردستان

پیرۆزبایی سەعدی ئەحمەد پیرە 

پیرۆزبایی لە هەموو موسڵمانانی جیهان دەکەم بەبۆنەی هاتنی مانگی رەمەزانی پیرۆز ، هیوادارم بە قودسیەتی ئەم مانگە پیرۆزە خێر و خۆشی ڕوو لە گەلەكەمان بكات و هاوكات ببێتە هەوێنی یەكڕیزی و تەبایی نێوانی سەرجەم  هێز و لایەن و چین و توێژەكانی 
‎گەلەكەمان 

سەعدی ئەحمەد پیرە
وتەبێژی فەرمی یەكێتی نیشتیمانی كوردستان