هاوخەمی مەکتەبی سیاسی بۆ بنەماڵەی حاجی مام عەلی

PUKMEDIA

پرسەنامە

مەكتەبی سیاسیی یەكێتیی نیشتمانیی كوردستان بۆ کۆچی دوایی حاجی مام عەلی  ناسراو بە مام عەلی مالومەیی، پرسەنامەیەک ئاڕاستەی بنەماڵەکەیان دەکات.

دەقی پرسەنامەکە:

بەرێزان  خانەوادەو كەسوكاری كەسایەتی دیاری دۆڵی جافایەتی و تێكۆشەر و پێشمەرگەی دێرین هەڤاڵ  عەلی مەلا مستەفا  


بەداخی زۆرەوە هەواڵی کۆچی دوایی حاجی مام عەلی  ناسراو بە مام عەلی مالومەیی برای (شەهید عوسمان و باوکی شەهیدان عەبدولوەهاب و هێمن)مان   پێگەیشت ، بۆ ئەم خەمە پرسەو  ماتەمینی خۆمان  ئاراستەی ئێوە و  خانەوادە تێكۆشەرەكەتان دەكەین 


كۆچكردوو مام عەلی یەكێك بوو لە پێشمەرگەی  مەفرەزە سەرەتاییەكانی  شۆرشی نوێ و بەشداری لە ( مەسیرەی هەكاری)دا كردوە ، لە رۆژگارە سەختەكانی خەباتدا وەك پێشمەرگەیەكی  ماندونەناس رۆڵی جوامێرانەی لەقۆناغەکانی شۆرشدا بینیوە 


لە یەزدانی مەزن داواكارین  سەبوری و ئارامی  بە هەموو ببەخشێت و  جێگای كۆچكردو بە بەهەشتی بەرین  بێت .


مەكتەبی سیاسیی 
یەكێتیی نیشتمانیی كوردستان