کورد و یەکێتی ئامادەن بۆ دانیشتنی ئەنجومەنی پارێزگای کەرکوک

Kirkuk Satellite Channel

پەروین فاتیح

ئەندامێکی ئەنجومەنی پارێزگای کەرکوک رایدەگەیەنێت، بڕیاربوو ئەنجومەنی پارێزگاکە یەکەم دانیشتنی خۆی ئەنجام بدات، بەڵام بەهۆی لێکتێنەگەیشتنی لایەنەکان دواخراوە، هەرکاتێکیش بێت وەک کورد و یەکێتی ئامادەین.

پەروین فاتیح كاندیدی دەرچووی ئەنجومەنی پارێزگای كەركوك لە هاوپەیمانی كەركوك هێز و ئیرادەمانە رایگەیاند: "هەفتەی رابردوو بە نووسراو ئاگادارکراینەوە کە ئەنجومەنی نوێی پارێزگای کەرکوک رۆژی ١-٢-٢٠٢٤ یەکەم دانیشتنی خۆی ئەنجام دەدات، بەڵام دواتر پێمان راگەیەندرا کە کۆبوونەوەکە دواخراوە بۆ رۆژی ٥-٢-٢٠٢٤".

ئاماژەی بەوەشدا: "لە نووسراوەکەدا ئاماژە بەوەدراوە کە هۆکاری ئەنجامنەدانی دانیشتنەکە لێکتێنەگەشتنی نێوان لایەنەکانە"، وتیشی:"وەک کورد و یەکێتیی نیشتمانیی کوردستان هەرکات کۆبوونەوەکە بکرێت ئامادەین".
PUKMEDIA