هاوخەمییەکان بۆ کۆچی دوایی توانا فەرەج و ئیبراهیم نەقدیان

PUKMEDIA

توانا فەرەج و ئیبراهیم نەقدیان

ئەمڕۆ شەممە 27-1-2024، هەردوو هونەرمەندی میوزیسیان توانا فەرەج و ئیبراهیم نەقدیان کۆچی دواییان کرد، چەندین پرسەنامەش ئاڕاستەی خێزان و خانەوادەی کۆچکردووان کراوە کە ئەمە دەقەکانیانە...

پرسەنامەکانی قوباد تاڵەبانی

بەڕێزان هونەرمەندانی کوردستان

بەڕێزان خێزان و خانەوادەی کۆچکردوو توانا فەرەج

بەبیستنی هەواڵى کۆچی دوایی (توانا فەرەج حەمە سێو)، نیگەران و دڵگران بووم.

کۆچکردوو هونەرمەند و موزیسیانی ناسراوی کورد کاکە توانا فەرەج، ژەنیارێکی بەتوانابوو کە لەماوەی تەمەنیدا خزمەتێکی زۆری بوارەکەی کردووە و هەمووکات ئاوازە پڕ هەستەکانی دەدا بەگوێی هەوادارانی موزیکی رەسەنی سلێمانی و هەموو کوردستاندا، کۆچکردنی جێگای داخە.

بۆ ئەم خەمە، پرسە و سەرەخۆشی لەخۆتان و خانەوادە و هاوڕێ و ئازیزانی و هەموو هونەرمەندانی کوردستان دەکەم، خواى گەورە لەکۆچکردوو خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.

انا لله وانا اليه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

بەڕێزان خێزان و خانەوادەی کۆچکردوو ئیبراهیم نەقدیان

بەبیستنی هەواڵى کۆچی دوایی هونەرمەندی میوزیسیان (ئیبراهیم نەقدیان)، نیگەران و دڵگران بووم.

کۆچکردوو ژەنیارێکی بەسەلیقەی کەمان بوو کە سۆز و ئاوازێکی پڕ هەستی دەدا بەگوێی هەوادارانیدا و سەرنجی هەمووانی بۆ خۆی رادەکێشا، کۆچکردنی جێگای داخە.

بۆ ئەم خەمە، پرسە و سەرەخۆشی لەخۆتان و خانەوادە و ئازیزانی و هەموو هونەرمەندانی کوردستان دەکەم، خواى گەورە لەکۆچکردوو خۆش بێت و جێگەی بەهەشت بێت، سەبورى و دڵنەواییش بەهەموو لایەک ببەخشێت.

انا لله وانا اليه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

پرسەنامەکانی شاناز ئیبراهیم ئەحمەد

بەڕێزان خانەوادەی توانا فەرەج

بەبیستنی هەواڵى ماڵئاوایی یەکجارەکی هونەرمەندی میوزیسیان (توانا فەرەج)، زۆر غەمباربووم.

بۆ کۆچی دوایی ئەم هونەرمەندە بەتوانایەی سلێمانی، پرسە و سەرەخۆشی لەخۆتان و خانەوادەکەتان و هەموو هونەرمەندانی کوردستان ئەکەم و هاوبەشی خەم و پەژارەتانم.

خواى گەورە لە کۆچکردوو خۆش بێت، وجێگەی بەهەشت بێت، سەبرو ئارامی بەهەمووان ببەخشێت.

شاناز ئیبراهیم ئەحمەد

بەڕێزان خانەوادەی ئیبراهیم نەقدیان

بەبیستنی هەواڵى ماڵئاوایی یەکجارەکی هونەرمەندی میوزیسیان (ئیبراهیم نەقدیان)، زۆر غەمباربووم.

بۆ کۆچی دوایی ئەم میوزیسیانەی بە دەست و پەنجەکانی ئاوازێکی پڕ چێژی دەبەخشیە هەوادارانی، پرسە و سەرەخۆشی لەخۆتان و خانەوادەکەتان و هەموو هونەرمەندانی کوردستان ئەکەم و هاوبەشی خەم و پەژارەتانم.

خواى گەورە لە کۆچکردوو خۆش بێت، وجێگەی بەهەشت بێت، سەبرو ئارامی بەهەمووان ببەخشێت.

شاناز ئیبراهیم ئەحمەد

PUKMEDIA