قوباد تاڵەبانی: خاتوو ژیان ژنێکی تێکۆشەری رێگای کوردایەتی بوو

قوباد تاڵەبانی پرسەنامەی هاوخەمی ئاڕاستەی فەرید ئەسەسەرد دەکات و دەڵێت: "خاتوو ژیان ژنێکی تێکۆشەری رێگای کوردایەتی بوو"

دەقی پرسەنامەکە : 

برای بەڕێزم کاک فەرید ئەسەسەرد سکرتێری ئەنجوومەنی سەرکردایەتی یەکێتی

زۆر دڵگران بووین بە بیستنی ھەواڵی کۆچی دوایی خاتوو (ژیان محەمەد عەلی) ھاوسەری بەڕێزتان. 

کۆچکردوو ھاوڕێ و ھاوخەبات و پشتیوانێکی دڵسۆزی بەڕێزتان بووە لەقۆناغە سەختەکانی خەبات، رۆڵێکی گرنگی بینیوە لەپەروەردەکردنی نەوەیەکی جۆشدراو بەرۆحیەتی نیشتمانپەروەری و جوامێری و ئەرکێکی قورسی لەسەرشان بوە وەک ژنێکی تێکۆشەری رێگای کوردایەتی.

بەم بۆنە دڵتەزێنەوە لە دڵەوە پرسە و سەرەخۆشی ئاراستەی ئێوە و ھەموو ئەندامانی خانەوادە و کەسوکارە سەربەرزەکەی کۆچکردوو دەکەین و خۆمان بە ھاوبەشی خەمتان دەزانین. 

داواکارم خوای گەورە روحی کۆچکردوو بە بەھەشت شاد بکات و سەبوری بە ئێوە و ھەموو لایەک ببەخشێت.

انا للە وإنا إلیە راجعون
قوباد تاڵەبانی

PUKMEDIA