}

ستران عەبدوڵا: کۆسرەت رەسوڵ خەڵاتی یەکێتییە بۆ کوردایەتی و کوردستان

کوردستان 03:39 PM - 2022-06-20

ستران عەبدوڵا سەردانی سەرۆکی ئەنجومەنی باڵای سیاسیی یەکێتی دەکات دوای گەڕانەوەی لە چارەسەر لە ئەوروپا و دەڵێت: کاک کۆسرەت سەرکردە و فەرماندەی راپەرینی رزگاری ھەولێری پایتەخت، خەڵاتی یەکێتیی بۆ کوردایەتی و ھەموو کوردستان.

 

ستران عەبدوڵا لێپرسراوی مەکتەبی راگەیاندنی یەکێتیی نیشتمانیی کوردستان لە پەڕەی تایبەتی خۆی لە تۆڕی کۆمەڵایەتی فەیسبووک لەسەردانیدا بۆ لای کۆسرەت رەسوڵ عەلی سەرۆکی ئەنجومەنی باڵای سیاسیی یەکێتی نوسیویەتی: بە سەلامەتی و تەندروستییەکی باشەوە گەڕاوەتەوە کوردستان.

بۆ ھیمەت و ورەی بەرزی درێژەپێدانی ژیان و ئیرادەی کوردانە سەردانی کاک کۆسرەت خۆی وزە و ئیلھامە بۆ ھەموو ھەڤاڵێك، بۆ ھەموو یەکێتییەك . 

دیداری کاک کۆسرەت و گوێگرتن لە پەرۆشی و بەتەنگەوەھاتنی بۆ ھەڤاڵەکانی و بۆ کۆمەڵانی خەڵك ، ھەواڵپرسینی وردی لە سەنگەری راگەیاندن و لە کوردستانی نوێ و گەلی کوردستان و تێکرای رۆژنامەنووسان بەڵگەیە لەسەر ئەوەی وەك جاران ھەر بەدواچوون و چاودێری دۆستانە  دەکا و ھەر ئیرادەی تێپەڕینی تەنگانەی تەندروستی  وەك خۆیەتی و بەھێز و کۆسرەتییە.

وەك سەرکردە و وەك دۆستیش لە گەورە و بچوك دەپرسێ وەك بڵێی ھەر لامان بووە و لای بوین و سەفەری عیلاج داینەبڕاندووە.

بەخێر بێیتەوە کاک کۆسرەت سەرۆکی ئەنجومەنی باڵای سیاسیی ، سەرکردە و فەرماندەی راپەرینی رزگاری ھەولێری پایتەخت  ، خەڵاتی یەکێتیی بۆ کوردایەتی و ھەموو کوردستان.

 

PUKmedia 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket