پەیامی هاوڕێیانی گەزیزە لە نمایشێكدا

لە نوێترین بەرهەمی تیپی شانۆی هاورێیانی گەزیزەدا بەهاوكاری بەرێوبەرێتی گشتیی رۆشنبیریی و هونەر و بەسەرپەرشتی بەشی جێندەری نوسینگەی (قوباد تاڵەبانی) جێگری سەرۆکی حکومەتی ھەرێمی کوردستان شانۆیی ”دۆزەخێك بوو” لە هۆڵی چێوار لە تەلاری هونەر نمایشكرا . 

شانۆییەكە نوێترین كاری گەزیزە عومەرە و لە نوسین و دەرهێنانی خۆیەتی و هەریەك لە گەزیزە عومەر، میدیا رەئوف بێگەرد، شیلان عەبدوڵڵا وەك ئەكتەر رۆڵ دەبینین‌ و هونەرمەندی موزیسیان  نەوژین محەمەد كاری موزیكی شانۆییە دەكات‌ و وەك ئەكتەر لەسەر تەختەی شانۆ رۆڵی دەبێت.

شانۆییەكە پەیامێكی نوێی پێبوو لەسەر پرسێكی گرنگی نەتەوەی كورد كە ژنانی رزگاربووی دەستی داعش بوو،نمایشەكەشی ھاوکات بوو  لەگەڵ ھەفتەی بەرەنگاربونەوەی توندوتیژی دژی ژنان لە شاری سلێمانی .

PUKmedia ڤینۆس تۆفیق