ئێران.. لە 24 سەعاتدا 709 تووشبووی كۆرۆنا گیان لەدەستدەدەن

وەزارەتی تەندروستی ئێران ڕایگەیاند: لە 24 سەعاتی ڕابردوودا 709 تووشبووی كۆرۆنا گیانیان لەدەستداوە.

لەڕاگەیەنراوێكدا وەزارەتی تەندروستی ئێران ڕایگەیاند: لە 24 سەعاتی ڕابردوودا 40 هەزار و 623 كەس تووشی كۆرۆنا بوون و 709 تووشبووش گیانیان لەدەستداوە.

وەزارەتی تەندروستی ئێران ڕاشیگەیاندووە تا ئێستا چوارملیۆن و 756 هەزار و 394 كەس تووشی كۆرۆنابوون و لەوڕێژەیەش سێ ملیۆن و 993 هەزار و 211 تووشبووش چاكبوونەوە و 103 هەزار و 357 تووشبووش مردوون. 

لەئێستادا 7 هەزار و 727 تووشبووی كۆرۆنا لەنەخۆشخاەكانی ئەو وڵاتە لەژێر چاودێری وردی پزیشكیدان.

هاوكات ڕاشیگەیاندووە لە ئێستادا 359 شاری ئێران لەناو بازنەی سووری مەترسی كۆرۆنادان. 

PUKmedia ئاژانسەكانی ئێران