سنوور قایمكردن یان وێرانكردنی دێهاتی سەرسنوور؟
بیروڕا 01:39 PM - 2024-02-25
مامۆستا جەعفەر
حكومەتی عیراق ئێستا سەرقاڵی قایمكردنی هەموو سنوورەكانە بۆ خۆپاراستن، لە پەلاماری گروپە تیرۆریستەكان و قاچاخچێتی و ...تاد . دەوڵەت و حكومەت مافی خۆیانە لە مەترسیەكانی ئەودیوی سنوور خۆیان بپارێزن . ئەوەی سێبەری ترس و دڵەڕاوكێ بۆ گەلی كورد دروست دەكات، شێوەی جێبەجێ كردنی پلانەكەیە، بەتایبەتی لە مەندەلییەوە بۆ تەوێڵە .
بڕیارەكە لە لایەن ( قیادە قوات حرس الحدود العراق )ەوە دەرچووە . لە رۆژاوای عیراق بە دیواری كۆنكرێتی سنوور قایم دەكرێت . لە مەندەلییەوە بۆ تەوێڵە، بە تەلی دڕكاوی و ئینگلاین سنووربەست دەكرێت . پلانەكە بڕیاری حكومەتی عیراقە، پەیوەندی بە ئێران و سوریا و توركیاو ئوردن و سعودیەوە نییە .
كاك كاروان یاروەیس ئەندامی ئەنجومەنی نوێنەرانی بەغدا - فراكسیۆنی یەكێتی -، كە خەڵكی ( مەحموود قەجەر )ە پێیگوتم : جێبەجێكاری پلانی قایمكردنی سنووری ئەم ناوچەیە، كە درێژییەكەی بە نزیكەی (٣٠٠) كم مەزەندە دەكرێت، رادەستی بەڵێندەرێكی عەرەب كراوە . بێگومان ئەگەر ئەم كارە ئەنجام بدات، دەبێ بە (ملیم ) لە هێڵی سنووری رەسمی لانەدات . ئەو گوێی لە چارەنووس و گوزەرانی خەڵك نییە . تەنیا سوود و بەرژەوەندی خۆی رەچاو دەكات و دەیەوێت، بە هەرزانترین مەسرەف لێی دەربچێت . بۆیە بە زیانی هەموو دێهاتەكان تەواو بێت یان. تەواو نەبێت لای ئەو، مێشێك میوانی نییە .
تەنیا ئاوایی ( مەحموود قەجەر ) بۆ نمونە : نزیكەی ( ٤٠٠٠ ) چوار هەزار دۆنم ئەرزی بكێڵی لە دەست دەڕوات . خەڵكی گوندەكە ناتوانن وەكو جاران كشت و كاڵی خۆیان لەوێ بكەن . رووباری (قۆرەتوو ) لە ئاوایی ( سالار ) ەوە تا ( باوە های ) لە ساڵی (١٩١٣ ) سنوورە تا ئەم چركەیە، كەچی كاكی بەڵێندەر لەم دیو چەمەوە تەلبەندەكەی راكێشاوە : لەمەودوا خەڵكی ئەم دێهاتانە ناتوانن باخەكانیان ئاو بدەن و ئاژەڵەكانیان بۆ سەرچەم بەرن .
بە بۆچوونی كاك كاروان یاروەیس : تێكڕا تەلبەندەكە ٣-٤ كم لە خاكی عیراق دادەبڕێت . ئەمەش بۆ دانیشتوانی سەرجەم دێهاتی سەرسنوور كارەساتە .
پێویستە بەڕێزان : سەرۆك كۆماری عیراق، سەرۆك وەزیران عیراق، سەرۆكی هەرێم و سەرۆك وەزیرانی هەرێم، جێگری سەرۆكی ئەنجومەنی وەزیرانی هەرێمی كوردستان، بە زووترین كات، پلانی ئەم بەڵێندەرە راست بكەنەوە . چونكە ئەگەر پلانەكە بەگوێرەی ویستی بەڵێندەرەكە جێبەجێ بكرێت، ئەوە ژیان و ژیواری هەزاران هاووڵاتی دەكەوێتە مەترسییەوە ..
PUKMEDIA
هەواڵی زیاتر
-
ناشادی شێوەکار کۆچی دواییکرد
11:03 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
08:24 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
11:59 AM - 2024-05-07 -
تیرۆرستێک دەستگیردەکرێت
11:39 PM - 2024-05-06
زۆرترین خوێنراو
-
شاڵاو کۆسرەت رەسوڵ بەشداری لە پرسەی حاجی زبێد کرد
پرسەنامە 08:43 PM - 2024-05-07 -
نەوەی نوێ ژێربەژێر لەگەڵ پارتی رێکدەکەوێت و بە ئاشکرا ناوی یەکێتی دەهێنێت
کوردستان 08:24 PM - 2024-05-07 -
سەرۆک بافڵ بۆ کیمبەرلی هارینگتۆن: بەرپرسیارانە مامەڵە لەگەڵ وزە دەکەین
کوردستان 08:01 PM - 2024-05-07 -
هیومان رایتس وۆچ: لهههرێم یاسای ناروون بۆ بێدهنگكردنی رۆژنامهنووس بهكاردههێندرێت
کوردستان 04:20 PM - 2024-05-07 -
سهعدی پیره: یۆنامی رۆڵی ههبێت لهئهنجامدانی ههڵبژاردن لهكاتی خۆیدا
ی ن ک 03:07 PM - 2024-05-07 -
یەکێتی لە دژی سکاڵاکەی مەسرور بارزانی داوایەک ئاڕاستەی دادگای فیدراڵی دەکات
کوردستان 01:58 PM - 2024-05-07 -
ئەندامێکی سەرکردایەتی: پێمان باشە پارتی دادگای فیدراڵی بە مەرجەع دەزانن
کوردستان 11:59 AM - 2024-05-07 -
کۆمسیۆن: وەرەقەی دەنگدانی گشتی و تایبەت بۆ هەڵبژاردن چاپدەکرێت
کوردستان 10:38 AM - 2024-05-07