كارەساتی شوبات و وانەی یەكڕیزی
بیروڕا 11:37 AM - 2024-02-01
د. دارا خەیلانی
20 ساڵ بەر لە ئەمڕۆ تیرۆریستان و ناحەزانی كورد، لە پەلامارێكی خۆكوژییاندا لە هەولێر چەندین تێكۆشەرو خەمخۆری نەتەوەكەمانیان شەهید و بریندار كرد و زامێكیان بە دڵی كوردستاندا هێنا كە ساڕێژبوونی ئەستەمە، لە هەمان كاتتدا، هەر دوێنێش یادی 46 ساڵەی شەهیدی سەركردە كاك ئارام دەكەینەوە كە شاسواری كوردایەتی و یەكێتی بوو .
لەو نێوانەشدا، یادی شەهیدانی دەستی رەشی داعش، وەكو شەهید شێركۆ فاتح شوانی و شەهید حسێن مەنسور و دەیانی تر ناخمان دەهەژێننەوە.
شاراوە نییە كە مێژووی گەلی كورد لە سەرەتای دروست بونییەوە هەتاكو ئێستا بەچەندین قۆناغی سەخت و دژواردا تێپەڕیوەو هەموو رۆژێك مێژوویەكی نوێی بۆخۆی تۆماركردووە، مێژوەكەی پڕیەتی لەسەروەری گەورە كەلەسەردەمی شاخ و پێشمەرگایەتی چەندین داستان و قارەمانێتی تێدا تۆماركراوە، هەمیشەش رۆژو شوێن و سەنگەرو وێستگەو قۆناغێكی كوردایەتی نییە، پێشمەرگەو تێكۆشەران خوێنی تێدا نەڕژابێت، زیندان و جەلادو پەتی سێدارە نەماوە، شاهیدی قارەمانێتی كورد نەدەن.
لە سەرجەمدا هەر كوردایەتی و كوردبوونمان وەكو شكۆی سەروەرییەكان بەیەكەوە گرێی داوینەتەوە.
لە ئێستاشدا كە هەرێمەكەمان لە ژێر چەندین هەڕەشەی داگیركەراندایە، تەئكید لە یەكڕیزی و یەكهەڵوێستی لایەنە كوردستانییەكان دەكەینەوە بۆ بەرەنگاری مەترسییەكانی سەر هەرێمەكەمان، چونكە هەموو ئەو قوربانییانەی بە خوێن و جەستە بەخشراوە بە كوردستان لەپێناو ئاشتی و ئارامیدا بوون، بۆ گەیشتن بە كیانێكی سەربەخۆ و هەر كوردبوونمان بۆ دەمێنێتەوە.
لە كۆتایدا كێلی شەھیدەكانمان دوورنمای خەباتمانن، لەحزوریاندا بۆ ھەمیشە دەستمان بەسنگمانەوەیە
سڵاو لە شەهیدانی یەكی شوبات
سڵاو لە شەهیدانی سەركردە كاك ئارام و لیوا شێركۆ و لیوا حسێن.
نەمری بۆ شەهیدانی كورد و كوردستان…
سڵاو لەكەسوكاری سەربەرزی شەهیدان…
سڵاو لەپێشمەرگە كۆڵنەدەرەكان.
*ئەندامی سەركردایەتی یەكێتیی نیشتمانیی كوردستان
PUKMEDIA
هەواڵی زیاتر
-
تیرۆرستێک دەستگیردەکرێت
11:39 PM - 2024-05-06 -
دوو ئەمیر و 5 تیرۆریست لەسلێمانی و هەڵەبجە دەستگیرکران
09:20 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
04:57 PM - 2024-05-06
زۆرترین خوێنراو
-
قوباد تاڵەبانی: توانای مرۆیی باشمان هەیە و رێکنەخراوە
کوردستان 06:31 PM - 2024-05-06 -
سەرۆک بافڵ گەیشتە واشنتن
کوردستان 06:23 PM - 2024-05-06 -
شاڵاو کۆسرەت رەسوڵ: مامۆستایانی ئایینی رۆڵیان لەپێگەیاندنی نەوەکاندا هەیە
کوردستان 06:19 PM - 2024-05-06 -
ئامادەکارییەکان بۆ هەڵبژاردن لە هەولێر بەردەوامە
کوردستان 04:57 PM - 2024-05-06 -
گومان بەسەر ئاگرەكەی قەیسەریدا زاڵ دەبێت
کوردستان 03:40 PM - 2024-05-06 -
مەکتەبی سکرتارییەت: سامان گەرمیانی وەک قارەمانێک بەشێک بووە لە سەرکەوتنەکان
ی ن ک 01:43 PM - 2024-05-06 -
کۆمسیۆن دەستیکرد بە چاپکردنی وەرەقەی دەنگدان
کوردستان 01:11 PM - 2024-05-06 -
بایەخی سەردانی سەرۆك بافڵ بۆ ئەمریكا
بیروڕا 12:31 PM - 2024-05-06