یەکێتی لە کەرکوک مایەوە
بیروڕا 09:28 PM - 2023-12-23
گەرمیان شێرەوەندی
پاش لێکەوتەکانی ریفراندۆم و ڕوداوەکانی ئۆکتۆبەری ٢٠١٧ بەشێک لە پارتە سیاسییە کوردەکان، یەکێتیی نیشتمانیی کوردستانی بە خیانتکار و جێهێشتنی کەرکوک وەسف دەکرد، بەجۆرێک ئەیانویست بیکەن بە بەدیلی خیانەت و هەڵە و کەموکوریەکانی خۆیان کە لە ڕابردوودا بەرامبەر بەدۆزی ڕەوای گەلی کورد لە ئەنجامی سیاسەتی هەڵەیان ئەنجامیان داوە، بەڵام دەرئەنجام دەرکەوت خەڵکی کەرکوک و ناوچە دابرێنراوەکان ئەو ڕاستیەیان سەلماند کە تەنھا یەکێتیی نیشتمانیی کوردستانە لە خەمی کەرکوک و ناوچەدابڕێنراوەکانە، بەشداری کردنی خەڵکی خۆراگر و تێکۆشەری ئەو دەڤەرانە ئاماژەیەکی ڕوونە بۆ "سوپاسی مانەوەی یەکێتی" بەتایبەت لە کەرکوک و ناوچە دابڕێنراوەکان ،هەر خەڵکی کەرکوک و ناوچە دابڕێنراوەکان سزای ئەولایەنانەیان دا کە لە گشت قۆناغەکان کەمتەرخەمیان کردووە و لەگەڵ خەڵکی ئەوێ نەبوون، کەرکوکیەکان و خەڵکی کوردپەروەری ناوچە دابرێنراوەکان بۆیان ڕوون بووەوە، یەکێتی حزبی هەموو قۆناغەکانە، لەگەڵیان بووە و دەبێت.
لەمێژووی یەکێتیدا کەرکوک و ناوچە دابڕێنراوەکان هەمیشە پرسێکی گرنگ و ستراتیژی بوون، بە جۆرێک ھەمیشە سەرۆک مام جەلال کەرکوکی بە قودسی کوردستان زانیوە، لە ئاپۆڕای جەماوەری و بەبەرچاوی جیهانی عەرەبیەوە فەرمویەتی "چەندە قودس بەلای نەتەوەی عەرەب و موسوڵمانانەوە گرنگە هێندەش کەرکوک بەلای کورد و یەکێتیی نیشتمانیی کوردستانەوە گرنگە" و دروشمی (یان کەرکوک و خانقین یان تا ماوین ئەجەنگین) ببووە وێردی سەرزمانی، ئەم دروشمە نیشتیمانی و بەهێزە لە ئێستادا بووە بە بەشێک لە ستراتیژ و پرەنسیپی یەکێتیی نیشتمانیی کوردستان و هەموو شوێنکەوتوانی ئەو ڕێبازە.
لە ئێستادا، تاڵەبانی کوڕ پشتبەستوو بە بیروباوەڕی سەرۆک مام جلال یەکێتی بەڕێوەدەبات و ئاڕاستەی دەکات، ھەموو ناوچە کوردستانیەکانی دەرەوەی ئیدارەی ھەرێم بەبەشێک لە جەستەی خۆی دەزانێت و ھەمیشە لە ھەوڵی پاراستنیدایە، هەر لەوێشەوە جاڕی کۆنگرە و سەرکەوتنەکان دەدات.
بەڵێ یەکێتی نیشتمانی کوردستان لە کەرکوک مایەوە و لەگەڵ خەمی کەرکوکییەکان بوو، یەکێتی بە شێوازی سەردەمیانە و لە شێوەی ئۆپۆزسیۆنێکی کارا لە نێو بەرێوەبەرانی خۆجێیی لە هەموو ئەو ناوچانە مایەوە و پشتیوانی خەڵک بوو، خەڵكی ئەو ناوچانە ئومێدیان بە یەکێتی و مانەوەی یەکێتی بوو ،کە بوبونە پارێزەری سەر و ماڵیان.
ڕەنگە قسەی دڵی کەرکوکیەکان و گەرموگوڕیان لە کوردایەتی و یەکێتی بوون وەڵامێکی هێندە ئاشکراو روون بێت بۆ هەموو ئەو تۆمەتانەی ڕوبەڕووی یەکێتی نیشتمانی کوردستان کرایەوە لە روداوەکانی مانگی ئۆکتۆبەری ساڵی ٢٠١٧ دا..
PUKMEDIA
هەواڵی زیاتر
-
كارگەیەكی مادەی هۆشبەر دەستی بەسەردا دەگیرێت
05:27 PM - 2024-05-02 -
لوتكهی تهندروستی كوردستان لهسلێمانی بهڕێوهدهچێت
12:07 PM - 2024-05-02 -
دژەتیرۆر تیرۆرستێک دەستگیر دەکات
10:11 AM - 2024-05-02 -
گهنمی جوتیارانی ههرێم به 2 ترلیۆن دینار دهخهمڵێندرێت
01:35 PM - 2024-05-01
زۆرترین خوێنراو
-
جێگری سەرۆکوەزیران: دژی دواخستنی هەڵبژاردنین
کوردستان 05:01 PM - 2024-05-02 -
یەکێتی کەینوبەینی ژێربەژێری دواخستنی هەڵبژاردن رەتدەکاتەوە
کوردستان 02:36 PM - 2024-05-02 -
لوتكهی تهندروستی كوردستان لهسلێمانی بهڕێوهدهچێت
کوردستان 12:07 PM - 2024-05-02 -
یهكێتی نیشتمانی كوردستان و توركمانهكان
بیروڕا 11:50 AM - 2024-05-02 -
زیاد جەبار: هەرێم پێویستی بە حکومەت و پەرلەمانێکی کارایە
کوردستان 11:31 AM - 2024-05-02 -
دژەتیرۆر تیرۆرستێک دەستگیر دەکات
کوردستان 10:11 AM - 2024-05-02 -
مەکتەبی سیاسی یەکێتی :بەگژ هەر هەوڵێکی ناڕەوای دواخستنی هەڵبژاردندا دەچینەوە
کوردستان 08:38 PM - 2024-05-01 -
شاڵاو کۆسرەت رەسوڵ بەشداری پرسەیەک دەکات
پرسەنامە 06:11 PM - 2024-05-01