لە نێوان ١٧ ی شوباتی سلێمانی و خۆپیشاندانی دەربەندیخاندا

رێبین محمد

رێبین محەمەد

لە ١٧ی_شوبات، دەرکەوت بەشێکی
زۆری ئەوانەی رەخنەیان لە یەکێتی و پارتی دەگرت، بۆ ئەوەبوو، مووچە و بوودجەکەی ئەوان بێتە دەستی خۆیان.
بەشێکی تریان دوای بەهاری عەرەبی کەوتبوون، ئەنجامەکەی لیبیا و سووریا و یەمەن، ١٢ ساڵە شەڕ بەردەوامە تێیدا.

میسر و تونس، ماوەیەکی کەم ئیسلامیەکان دەسەڵاتیان گرتە دەست و لە دەسەڵات دوورخرانەوە.

ئەمانەی سەرەوە بۆ کەمینەی سیاسی بوو...

زۆرینەی خەڵکیش ئەو کات ئەیانوت بڕوخێت و لە شەقام بوون، دوای هیچ کەوتبوون بۆ ئەوەی بگەن بە خەونی ئەمریکی و ئەوروپی.

بە ویژدانەوە بڕیار بدەن،  کابینەی بەرهەم ساڵح بودجەی ناردە پەرلەمان و هەموومان ئەمانزانی کۆڵانەکەی ئێمە چەندی بۆ تەرخانکراوە و چی بۆ ئەکرێت، یان کابینەی مەسرور بارزانی، کەس نازانێت داهات و خەرجی چەندە؟

تەماشا بکەن، هەرێمی کوردستان پاش دروستبوونی ئۆپۆزسیۆنی ساختە چەند گەڕایەوە؟

ئەگەر لەو کاتەوە، بیانهێشتایە، وەبەرهێنان لە بواری مەدەنیەتدا، فراوانکردنی بیری دامەزراوەیی و یاسا سەروەری لە ناو خەڵکدا بکرایە ئێستا لەکوێ دەبووین؟

ئەمەوێ بڵێم سوپاس بۆ دەربەندیخان، ئەمساڵ نیشانیان داین، خۆپیشاندانی مەدەنی چۆنە؟ مامەڵەکردن لەگەڵ دەسەڵات و حزب ئاساییە بۆ ئەوەی ئامانجەکان بەدیبهێنین.

دەستی مزایەدەکاران، جنێو فرۆشان و توندڕەوەکانیان بڕی، نەیانهێشت کۆنترۆڵی عەقڵی گشتی بکەن بۆ ئامانجەکانیان.

(هەرچەندە هەوڵ هەیە و هەبوو، بەڵام، نەیانتوانی بیکەن)

PUKMEDIA