لە یادی دوو تێكۆشەرە دڵ گەورەكەی كوردایەتیدا
بیروڕا 01:19 PM - 2022-04-10
(43) ساڵ لەمەوبەر، لە رۆژێكی شوومی نیسانی ئەو ساڵەدا، لە كاتی دەوامی رەسمیی دڕندەكانی بەعس، حورمەتی دادگای هەولێریان شكاند و هەردوو پارێزەرو نووسەرو رۆژنامەنووس و تێكۆشەر (عەلی هەژارو كاردۆ گەڵاڵی)یان دەستگیركردو بۆ هەتا هەتایە سەرنگومیان كردن.
ئەو رۆژە، پەڵەیەكی رەش هەولێری داگرتبوو، چونكە دوو خوێنەواری گەورە، دوو تێكۆشەری چاونەترس و بە جەرگ-ی ئەوێ رۆژێیان لە چاو تروكانێكدا ون كردو شەمشەمە كوێرەكانی بەعس و خۆفرۆشان ئەم دوو جوامێرەی كوردایەتییان بە گرتدا.
عەلی هەژار، بە تەمەن لە كاردۆ گەورەتر بوو، بەڵام لە هاوڕێیەتی و دۆستایەتی و تێكۆشان هەمیشە وەكو برایەك هەڵسوكەوتیان لەگەڵ یەكتر دەكرد، كاردۆ گەڵاڵیش هەمیشە وەكو مامۆستایەك و تێكۆشەرێكی سەر ڕاست و بە ئەزموون لە هەژار-ی دەڕوانی... هیچ مەجلیسێكی رۆشنبیران و ئەدیبان و یاساناسانی هەولێر نەبوو ئەم دوو جوامێرە بە ئەزموونی خۆیان دەوڵەمەندی نەكەن. خۆ ئەگەر بە دەگمەن یەكێكیان بە تەنیا ببینرایە، دەبووە پرسیار لای خەڵكی (ئەی كوا ئەوەی تر؟)... بۆیە گرتنەكەیان لە یەك رۆژ و لە 9/4/1979 بوو، هەر چەندە تەرمی پیرۆزییان تا نووسینی ئەم ستوونەش كە 43 ساڵ بەسەریدا تێدەپەڕێت نەدۆزراوەتەوە، بەڵام لە دوای راپەڕینی 1991، بە پێی چەند بەڵگەیەكی بەعسییەكان كە لە فەرمانگەی ئەمنییەكان دۆزرانەوە، ئەم دوو تێكۆشەرە، لە یەك رۆژیش لە ساڵی 1985 لە سێدارە دراون لەسەر ئەو شكۆمەندیی و كوردایەتییەی بۆ هەتا هەتایە بوونەتە جێگای شانازیی بنەماڵەكانیان.
ئەگەر، ئەو هاوكێشەیە راست بێت كە لە كوردەواریی هەیە، دەڵێت (خاڵ) لە (مام) خۆشەویسترە، ئەوا كاردۆ خاڵی بچووكی من بوو، خاڵێك تەمەن رێگەی پێنەدا تاسەر هەست و سۆزیی خۆیمان بۆ دەربڕێت، هەرچەندە كە بەعسییەكان دەستگیرییان كرد من تەمەنم دوو ساڵ بووەو بە پێی گێڕانەوەكانی دایكی ئازیزم بێت كە خوشكی گەورەی شەهید كاردۆیە، هەمیشە كە چووە بۆ دەوام و دوای نیوەڕۆیانیش بە نهێنیی چووە بۆ شاخ و گوندەكان تا مناڵانی لادێ فێری خوێندەواریی بكات، كە گەڕاوەتەوە ماچێك و باوەشێكی منی كردووەو ئینجا چۆتەوە ماڵەوە.
كاردۆ گەلاڵی و عەلی هەژار، هەر ئێمەیان خەمبارو داخ لە دڵ نەكردووە، بەڵكو هەموو تێكۆشەران و نووسەران و رۆژنامەنووسان و یاساناسان و پێشمەرگەكانیشیان خەمباركرد، چونكە ئەم دوو زاتە، بە دوو تێكۆشەرە دڵ گەورەكە ناسرابوون، بە رۆژ لە خزمەت یاساو پارێزەری خەڵكی هەژاربوون، دوای نیوەڕۆیان مناڵانی لادێ و گوندەكانیان فێری خوێندەواری دەكرد، ئێوارانیش كۆڕی نووسەران و رۆژنامەنووسانیان گەرم دەكرد بە دەم گوێگرتن لە شیعرەكانی (هێمن موكریانی) شاعیری هاوڕێیان كە دۆستی نزیكیان بوو.
مەریوان مەسعود
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26