چی بكرێت بۆ گۆڕانكاریەكانی ئاو و هەوا.....؟
بیروڕا 03:07 PM - 2022-03-30
گۆڕانكاریەكانی ئاو و هەوا گەورەترین كێشەیە كە روبەڕوی مرۆڤایەتی لەسەر هەسارەی زەوی دەبێتەوە، لێكەوتەكانی رۆژ لەدوای رۆژ كاریگەرتر دەبێت ئەگەر بێت و هەوڵی جددی لەسەر هەموو ئاستەكان نەدرێت بۆ ئەوەی رێ لەبەرزبوونەوەی پلەكانی گەرما بگیرێت كە نزیكەی یەك پلە و نیوی سەدی بەبەراورد بەرابردوو بەرزبۆتەوە، ئەمە وایكردووە لەهەموو كاتێك زیاتر پێویست بكات كار بۆ ئەوە بكرێت هەموو هاوڵاتیان شارەزایی وەربگرن لەسەر هۆكارەكانی گۆڕانكاری ئاو و هەوا، بۆ ئەوەی جیهان جۆرێك لە ئۆقرەیی بەخۆوە ببینێت، بەبڕوای خۆم و پشت بەست بە ئەزمونی دەوڵەتە خوا پێداوەكان، خوێندكاران لەهەموو توێژەكان زیاتر پێویستیان بەشارەزایی و كارامایی هەیە لەسەر پاراستنی كەش و هەوا و جێگیربوونی، مافی ئەوەشیان هەیە لە فێربوونێكی باش بەهرەمەند بن، بۆ ئەوەی پەرە بە تواناكانیان بدرێت و ببنە هۆكار بۆ بەرجەستە كردنی جیهانێكی پۆشتە ، لەژێر رۆشنایی ئەو راستیە كاتی ئەوە هاتوە لایەنە پەیوەندیدارەكان بایەخی تەواو بەدەزگا و دامەزراوە پەروەردەییەكان بدەن هەروەها بوارەكانیتری ژیان، وەك ئابوری و ژینگە و جومگەكانیتر، بۆ ئەوەی بخرێنە خزمەتی مرۆڤایەتی، لە ئێستادا هەروەها بۆ داهاتوش، باشترین بنەما بۆ هێنانەكایەی جیهانێكی هاوسەنگ و زەمینەكی باش بۆ ژیانی شایستە، پابەندبوونە بەرێككەوتنامەی پاریس ماددەی (12) هەروەها پلانی پەرەپێدانی بەردەوام كە خۆی لەبەرنامەی پۆست (2015 تا 2030) نەتەوە یەكگرتوەكان دەبینێتەوە، بەتایبەت ماددەكانی (4 بڕگەی 7 ، 12 بڕگەی 8، 13 بڕگەی 3)، وەك نەخشە رێگایەك بۆ پاراستنی كەش و هەوا و رێگریكردن لەبەرزبوونەوەی پلەكانی گەرماو گەیشتن بە جیهانێكی ئارام و ئۆقرە و هاوسەنگ، بۆ ئەو مەبەستە: -
1-دەبێـت حكومەت دەستەبەری فێربوونێكی باش بۆ هەموان، بەتایبەت گۆڕانكایەكانی كەش و هەوا بكات لەوبارەیەوە پێویستە :
أ-گۆڕانكاریەكانی ئاو و هەوا بخاتە ناو پرۆسەی پەروەردە و نەخشە و پلانێكی دیاریكراویشی بۆ دابڕێژێت و هەروەها بەدواداچونی جددیشی بۆ بكات .
ب-دەبێت بەردەوام پەرە بە پرۆگرامی گۆڕانی كەش و هەوا بدات، بەهاوكاری یەكێتی و سەندیكاكانی مامۆستایان و خوێندكاران و رێكخراوەكانیتر .
ج- بەرهەمهێنانی تەواو لەبواری پەروەردەی گشتی بكات، لەبەر ئەوەی باشی و بەهێزی پەروەردەی گشتی مەرجێكی بنەڕەتیە بۆ فێربوونێكی باش و بەرجەستە كردنی ئەو بنەما بنەڕەتیانەی ژیان و مرۆڤایەتی پێویستیان پێیەتی .
2-قوتابیان و خوێندكاران، شارەزایی زۆر باشیان لە گۆڕانی كەش و هەوا هەبێت، چونكە ئەوە وادەكات رۆڵێكی زۆر گرنگ لە چارەسەرەكان و بنیاتنانی داهاتوەكی باشتر و جیهانێكی شایستەتر بگێڕن، لێرەشدا پێویستە :-
أ-هەموو قۆناغەكانی خوێندن تەنانەت بازنەی یەكەمی بنەڕەتیش پرۆگرامی تایبەت بەگۆڕانكاریەكانی ئاو هەوا لەخۆ بگرێت، وەك بەشێكی بنەڕەتی لە پرۆگرامی ساڵانەی خوێندن .
ب-بۆ پەرەپێدانی زیاتر بەو بوارە گرنگە دەبێت پەنا بۆ راهێنانی بەردەوامیش ببرێت، تاوەكو شارەزایی تەواو وەربگرن، لەوەی چۆن دەكرێت رێ لە گۆڕانكاری كەش و هەوا بگیرێت .
ج- دەبێـت پرۆگرامی تایبەت بە گۆڕانكاریەكانی ئاو و هەوا هەبێت، یان بەشێك لە پرۆگرامە جۆراوجۆرەكان خوێندن بۆ ئەو بابەتە گرنگە تەرخان بكرێت، دەبێت رەچاوی یەكسانیش لەنێوان كوڕان و كچان بكرێت، واتە دەبێت هەموان وەك یەك فێربكرێن و رۆڵیان پێبدرێت .
3- فێربوونی باش لەبواری ئاو و هەوا وەك بابەتێكی زانستی هەژماری لەگەڵدا بكرێت و رەهەندەكان رەوشت و رۆشنبیری و سیاسی و كۆمەڵایەتی و ئابووریش بگرێتەوە كە :
أ-دەبێت پشت بەزانست و زانیاری و دراسەت و لێكۆڵینەوەی بەردەوام ببەسترێت، حكومەتیش دەبێت ئیمكانیاتی ماددی تەواو بڕەخسێنێت، لەلایەك بۆ توێژینەوە و بەدواداچون، لەلایەكیتر بۆ ئاڵوگۆڕكردنی بیرۆكە لەنێوان وڵاتان و لە ناوەخۆش لەبواری ئاو وهەوا .
ب-دەبێت حكومەت ئەو واقیعە لەبەر چاوبگرێت، هەموو شوێنەكان وەكو یەك نین، هەندێك شوێن لەروی ژینگەییەوە زۆر لەدواوەن كە بنچینەكانی ئاو هەوایەكی هاوسەنگ و شایستە بەژیان تیایاندا فەراهەم نابێت، بۆیە دەبێت بەشی شێر لەبایەخ پێدانەكان بۆ ئەو گەڕەك و شار و شارۆچكانە بێت، چونكە ئەو راستیە دەبێت بزانرێت پیس بوونی ژینگە لەهەندێك شوێن كاریگەری لەسەر هەموو شوێنەكان دەبێت .
4-مامۆستایان دەبێت راهێنان و پەرەپێدانی بەردەوامیان لەكەش و هەوا پێبكرێت لەو بارەیەوە زۆر پێویستە :
أ-ناوەندی تایبەتی راهێنان بەو بوارە لەهەموو پارێزگاكان هەبێت، چونكە فێربوون و شارەزایی بەو زانستە رێگە خۆش دەكات بۆ ئەوەی قوتابیان و خوێندكاران زۆر باش بەهرەمەندبن .
ب-لەخوێندنی باڵاش پێویستە لەهەموو كۆلیژ و بەشەكان بایەخی تەواو بەو بابەتە بدرێت، زۆریش گرنگە سەنتەری راهێنانیش بكرێتەوە، باشتریشە بەشی تایبەتیش بە گۆڕانكاریەكانی كەش و هەوا لە كۆی پڕۆسەی خوێندندا هەبێت .
ئەوەی بەلای من جێگەی پرسیارە، تا ئەم ساتە حكومەت و دامەزراوەكانی تایبەت بەپەروەردە و خوێندنی باڵا، بە تەواوی غائیبن لەو بوارە، لەبیریشیان نیە كۆمەڵگە و مرۆڤایەتی لەبەردەم مەترسیەكی چەندە گەورەن كە خۆی لە زۆری ژمارەی ئۆتۆمۆبێل و پاڵاوگەی نایاسایی و موەلیدەی كارەبایی لەنێو شار و شارۆچكەكان و نەبوونی رێژەی پێویست لەسەوزایی لەنێو شار و دەرەوەی شارەكان، سەربار و بن باریش، ئەو پەروەردە پڕ لەكەموكوڕیەی چەندین ساڵە بەڕێوەدەچێت كە لە بنەڕەتدا گۆڕانكاریەكانی ئاو و هەوا هەر ناخوێندرێت وەكو بابەتێك یان بەشێكی بابەتەكان، بۆیە كاتی ئەوە هاتوە كاری جددی بكرێت و چیتر كەم بایەخ نەكرێت، چونكە لەوە تێپەڕی بگەینە قۆناغێك ئەو كاتە گەڕأنەوە بۆ رەوشێكی ئاسایی زۆر ئەستەم دەبێت و مەترسیەكانیش لەسەر ژینگە و مرۆڤەیەتی و ژیان هێندە كاریگەر دەبن بەری پێناگیرێت .
ن: عەبدولواحێد محەمەد
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
زۆرترین خوێنراو
-
داوای لێکۆڵینەوەی بەپەلە لە هێرشە درۆنییەکەی کۆرمۆر دەکرێت
کوردستان 09:51 PM - 2024-04-26 -
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26