ئیرادەیەكە ڕاوەستانی بۆ نییە
کوردستان 11:32 AM - 2021-11-06
لە هەناوی یەكێتیدا بیرۆكەیەكی رەسەن، ئیرادەیەكی تۆكمە و كۆنكرێتی هەیە بۆ بەرەوپێشەوە چوون. ئیرادەیەك كە نایەوێ بەرەو دواوە بڕوا، چونكە بەرژەوەندی یەكێتی و جەماوەرەكەی و گەلەكەشمان لە ڕانەوەستان و تەواوكردنی ئەركەكەدا دەبینێتەوە.
-بیرۆكەكە دەیەوێ یەكێتی بكاتەوە بە یەكێتییەكەی مام، بەڵێ یەكێتییەكەی مام، ئەمەش پێچەوانەی پرەنسیپی حزبایەتی و دامەزراوەیی یەكێتی نییە، ئەمەش هیچ عەیبی تێدا نییە چونكە یەكێتییەكەی مام واتا ئەو یەكێتییەی لە 1975 وە تا ئەمرۆ هەموو یەكێتییەكان، بە تێكۆشەر و بیر رووناك و بیرمەندەكان و خاوەن نەزەرانی رێكخراوەیی و پێشمەرگایەتی و هەموو ناونیشانێكی خەباتی هەمەلایەنەی ئەم حزبە. كاری بۆ دەكەن و كاری لەسەر دەكەن، تەلارەكەی بەرز دەكەنەوە و سواقی كەلێن و كەموكوڕییەكانی دەدەن. یەكێتییەكەی مام تایتڵ نییە بۆ مام جەلال بە تەنیا، بەڵكو تایتڵە بۆ هەموو ئەوانەی مام جەلال رابەرایەتی دەكردن و بە شانازییەكی هاوبەشەوە كاروانە حزبی و رێكخراوەییەكەیان سەردەخست. مام جەلال لێرە ناونیشانی رابەرێكی گەورەی كوردایەتی نییە كە لەم ناونیشانەدا هەموو كورد شەریك و هاوبەشەمانن، بەڵكو مام جەلال جێی باسی حزبایەتی و یەكێتیایەتی، ناونیشانە بۆ ناوەرۆكی هەموو كۆششی رێكخراوەیی و دامەزراوەیی یەكێتییەكان بە هەموو مینبەر و دونیابینییەكانەوە بیرۆكەی یەكێتییەكەی مام واتا یەكێتی دوێنێ و ئەمرۆ و داهاتووش. چونكە ئەمە رەوتێكی لە سەرەتاوە و بۆ ئەمرۆ و چارەنووسی داهاتووش.
-ئیرادەیەك هەیە بێ ڕاوەستان، دەیەوێ ئەم ئەركە تەواو بكا و ئاوڕ لە رابردووی ئاخر و بەڵام و چونكە، نەداتەوە، چونكە ئیتر بەپێی پێویست زۆری قسە لەسەر كراو كاتێتی جێبەجێ بكرێت. ئەم ئیرادەیە نە حزبایەتی بە یانەی فیكری و بنمیچی بێ كۆتایی زۆر بڵێی بێ سەمەر دەبینێ و نە تێكۆشانی رێكخراوەییش بە ناوەندی بەرژەوەندپەرستی و كەس پەرستی و (كاكەبرایی) دەزانێ.
ئەم ئیرادەیە حزبایەتی بە ئامرازی زیندووی تێكۆشان بۆ ئەركە نەتەوەیی و دیموكراتی و نیشتمانییەكان دەزانێت.
ئەم ئیرادەیە هەیە، ئەگەرچی هێڵی پچڕاو و باریك و لەپێ كەوتوو گەرەكێتی ئەم رەوتە رابگرێ و بیانووی فارزە و وێرگویل و بڕ و بیانووی بیروكراسی بۆ بێنێتەوە، بەڵام رەوتەكە ڕاناوەستێ و هەر دەڕوا و بە رێگرەكانی وتووە بۆ رابردوو ناگەرێتەوە، تەواو بوو.
ئیرادەكەیە كە یەكێتی باش بكاتەوە،چاكسازی حزبی و یەكێتییانەی تیا بكات و بیانوو خاووخلیچكی و پەكخستن نەهێڵێت. قۆناغی پێشوو نەما، تەواو بوو
PUKmedia کوردستانی نوێ
هەواڵی زیاتر
-
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
07:59 PM - 2024-04-26 -
داهاتی یەک هەفتەی سلێمانی زیاتر لە 20 ملیارە
09:29 AM - 2024-04-26 -
شاڵاو کۆسرەت رەسوڵ: باشترین خزمەتگوزاری پێشکەش بکرێت
07:44 PM - 2024-04-25 -
شاڵاو کۆسرەت رەسوڵ: لیژنە بۆ رووداوی کوشتنی خەسرۆ گەردی پێکبهێنرێت
04:57 PM - 2024-04-25
زۆرترین خوێنراو
-
قوباد تاڵەبانی: لێکۆڵینەوەی ورد لەو هێرشە درۆنییەی کۆرمۆر بکرێت
کوردستان 08:58 PM - 2024-04-26 -
قوباد تاڵەبانی بۆ خوێندکاران: بەسیاسەتی چەپکە گوڵەکەی مام درێژە بەخەبات بدەن
کوردستان 07:59 PM - 2024-04-26 -
سەرۆک بافڵ: خوێندکاران رۆحی ئەم کۆمەڵگەیەن
کوردستان 06:58 PM - 2024-04-26 -
هاوخەمی قوباد تاڵەبانی بۆ کۆچی دوایی ئەیوب محەمەد
پرسەنامە 12:33 PM - 2024-04-26 -
یەک لە سوارچاکانی قازان
بیروڕا 10:03 AM - 2024-04-26 -
زیاتر لە 108 هەزار دەنگدەری هەرێم كارتی بایۆمەتری وەردەگرنەوە
کوردستان 09:59 AM - 2024-04-26 -
داهاتی یەک هەفتەی سلێمانی زیاتر لە 20 ملیارە
کوردستان 09:29 AM - 2024-04-26 -
لە یادی بۆردومانی هەڵەبجەدا
بیروڕا 11:03 PM - 2024-04-25